請問台北機場有冇巴士直接去西門捷運站附近??

有, 飛狗巴士o

唔知點解次次去親台北, 即使本來想搭國光客運, 但最後始終都係搭番飛狗巴士?!(因為一出機場門口就有飛狗囉)

我只可以話, 飛狗巴士唯一好處係座位夠寛濶, 同埋幾乎直達所有西門町o既酒店o
缺點係---同上面第一位所講一樣, 一係帶你遊花園, 由忠孝路一直兜路兜到去西門,台北車站一帶, 原本一個小時車程結果用咗我一個鐘頭四十五分鐘! (我第二,三次去就係咁); 一係就由機場一出番市區, 就叫邊個去西門町就搬晒行李落車, 然後喺路邊等十幾二十分鐘, 先有駕唔係飛狗巴士o既貨van接你走(我第一次去時就係咁), 雖然你最終可以順利抵達酒店, 但係一共又係花咗你個幾兩個鐘先番到酒店= ="'

到你回程時, 你可以預先一日打電話俾姓"秦"o既男人(車票上有寫佢個電話號碼), 話佢知你住邊間酒店, 搭幾點鐘班機, 咁佢會大概幫你預時間(當然最梗要你自己預計幾點搭車, 仲要預埋塞車), 到時就會有架唔係飛狗巴士(剩係估窗貼個飛狗紙牌)o既van仔接你走, 然後順便左兜右兜接客, 再行多十幾二十分鐘停站又要你將啲行李搬落地換第二架巴士去機場o 適逢上次我回程時落大雨, 個司機又唔會咁好心幫你搬行李, 結果我同個朋友搬住大大件行李搬到成身濕晒,好鬼慘囉o

所以, 直達車未必好(有版你睇), 要轉車反而仲方便同安全,時間又預算得到, 所以即使麻煩少少, 都值得o既......

雖然一般旅遊書無寫, 但我剛於台灣回來, 搭飛狗巴士會有某些班次直達西門町, 單程NT$135,
回程時都可以預約於西門町上車去機場, 不過我有個唔好既經驗, 佢搵架20座位VAN去幾間酒店接載唔同既客人, 然後係某一個大站扔低我地, 之後係街等左10分鐘, 再轉大巴, 3點鐘上20座位van, 兜兜轉轉, 3:45分扔低我, 4:00大車才來, 4:45才到機場, 足足1個鐘45分鐘才到機場, 如果你唔嫌麻煩回程可以搭, 但如趕時間就自己係台北站搭火車去桃園站再轉的士!