再請教前輩孔雀鱼的水缸問題？.............（10點）

你用緊黑色個隻（特殊黑玻璃砂生物過瀘環）都ok好用,而你要記住,所有新野入缸前都一定要清洗,因為制做過程會產生有害物質,就算冇,後期存放不當都會污染左,所以咩都洗係最保障!
另外,一般生物環都係放響過濾棉0既後部,或下方,因應唔同過濾器而有小小分別,因為過濾器系統都有不下5種之多,不過都係跟返上面所講咁做就可以了!!
你用個隻「硝化細菌液」我就未用過啦,(我用個d係粉紅色的!!不過新缸第一次落「硝化細菌液」係要多d,而一星期左右亦要加返小小響過濾個度,以保持「硝化細菌液」數目!!
你用過清水丸之後沙裏很多一舊舊的污物,咁可以用吸筒,人手慢慢吸走,但唔好太用力,一陣返缸(即係成個魚缸生態就會被破壞),又要重新養水架啦!!
生物環一般可以用到1年左右,按質素而定!!而「硝化細菌液」係冇得換,只可以培養,仲有定時一星期要補充,加返小小「硝化細菌液」入過濾系統中!!
如果仲有唔明,響度再問啦!

2007-03-29 04:03:58 補充：
噢!!!你寶在太心急啦!!!你要記住養魚先養水!!d水未養好,真係唔好養魚住!!養水最快都要一星期!!你....唉.....小心d魚病呀!!另外我養孔雀魚都好耐了,有一個好得意0既現象比我見到,就係就生0既孔雀魚母突然接觸到新水,不出12至48小時就一定會生bb,不過生出黎0既未必一定會存活有時會生出黎你死魚!!而魚母生產時,響魚母體內d魚卵會爆開,洋水伯流到魚缸水中,等魚母生完要盡快,每日換1/3水,如果唔換,d洋水會令水質變壤架!!所以要小心!!

2007-03-29 04:04:55 補充：
其實一個新缸要養魚,之前要養水,養水即係放好哂所以過濾物料,如生物環,過濾棉,硝化細菌,暖管等等!!用左硝化細菌第工日,d水會有白白地0既情況.因為又係個句,硝化細菌系統形成中,到一個星期,d水會清返!!之後可以放實驗魚入缸,一黎可以加快硝化細菌生長,二黎可以睇下實驗魚有冇事,咁就可以好安全咁知道你養0既水有冇問題,如果正常就可以放你想養0既魚!!!

2007-03-29 04:05:12 補充：
但你而家個情況就真係好亂!!又未養水加生物璟和硝化細菌液,魚母又生仔.....所以......我建議你先取舊水連魚放去另一個臨時缸養住先,而原缸就換走哂所有水,再跟我上面養水步驟咁做(一星期後先可以將所有大魚放返入原缸)又或者唔理佢咁多,照補返d生物璟和硝化細菌液響過濾器入面,不過兩者都有一定風險!!