我冇咩自信同怕做事.....

樓主, 大膽的講一句 "除死無大礙"

講真, 就算你講錯野, 會死嗎? 大家意見不同而產生爭辯, 會死嗎? 去街買錯野, 會死嗎? 其實你怕, 係因為怕比人反對你既意見 / 想法, 因此咩都唔敢做, 久而久之, 就咩都怕, 唔通果時, 你街都唔出, 電話都唔接?

好老實呀, 樓主, 近日特首辯論, 你都睇到的專題, 佢地講一句野, 就比人登報, 一句 "我會做好呢份工", 多個論壇就拎黎玩, 試想下, 佢地受既壓力大, 定係你? 佢地講錯一句野, 就會令香港股價浮動, 一個政策錯左, 就萬人批判, 你估佢地唔驚咩, right ?

其實你真係唔使怕, 多人有多方既想法, 世界先會更大, 睇到既, 認識到既, 先會更多更全面 (真相越辯越明), 莫講話想法本身無對錯之分, 就算, 得到人地既意見而改進自己既想法, 或者提供多個想法比人地參考, 係兩相得益既 (正所謂教學相長)

另外, 亦無人可以一生人一句說話都唔會講錯 / 做錯一件事, 因此只要你唔係有心去做錯事, 無心之失又如何? 只要下次唔犯, 就已經係有進步, 因此, 你真係唔需要太介意, 反而你將自己表現左出黎, 本身真係會開心好多既, 而朋友都會覺得你有性格好多既 ^^

您可能是心理作用．
一個正常人絕不會刻意跟蹤您．
您覺得有時出街街買d野都驚．
會不會您怕比人呃呀？
唔好成日怕事啦．．．
要擴大自己圈子．
做人唔好計較，要有自信．
或者找有關做人處世的書看一下，會有所幫助．

唔好咁灰先,比信心同自信自己,
同d同事多d相處,
熟左就唔會有問題嫁啦
至於你話出街買d野都驚亞
呢樣好難幫到你嫁wo
比d信心啦!!!!!!!
如果都唔得既話,我suggest你去睇下心理醫生好d

其實改都係靠你自己．．
唔知你今年幾多歲，但聽你咁講我估都應該都係中２，３．．
其實有時唔需要介意"LOW"既問題..
人誰無錯...其實好多時錯左只要一個輕輕既微笑帶過就已經可以..
總好過你害羞既樣比人見到,咁樣睇黎唔會會更難受嗎..?
多d同d朋友仔行下街,睇下戲,再唔係去做下義工,幫到人自己又開心 ^^