好唔開心呀......我覺得自己生完bb之後呢4星期都好大汗呀!係唔係正常架?

唔好唔開心啦！！！！
我果陣時都係咁，沖完涼出離就周身又濕淋淋，
係唔正常架～～依Ｄ係（耐）分泌失調．Ｄ汗係淡ｇｅ．．．
你可去睇中醫調理番，
我果時就睇西醫，因果時生完心情好差．出汗，出血，
醫生話我（耐）分泌失調打左（害耳濛）針就有好轉啦．
之後再睇中醫調理番．
希望幫到你＾＿＾

你而家仲係咪坐緊月呀??

雖然坐月係唔可以直接吹風,但係可以開冷氣,不過而家天氣唔係太熱,你可以試下開風扇,
但係唔係吹自己,個風扇要向牆吹,等室內空氣唔好局,空氣流通左,應該會冇咁熱架.....

唔好唔開心啦，生完係好多汗架，我生完都一樣。睇書話因為懷孕後期身體儲左好多水，所以有水腫，生完之後就透過流汗排出。
4個星期啦，好快就坐完月架啦，到時就可以沖多d涼啦。

你都好呀,差不多坐完,我岩岩先12朝呀,生完到而家D髮尾都未乾過...我簡直覺得自己個身有陣乞衣味....