泰國入口之精品及手工藝品

請見諒我不是批評你買泰國特色的精品，只是發表一下個人見解而已。
其實香港人都幾喜歡泰國的，所以就經常許多香港人都會到泰國玩，因為消費抵加上泰國人多是友善的，因為你們信佛教，泰國人人生態度就詳和好多。不過喜歡去泰國同喜歡泰國精品就是兩回事！事實上泰國精品在香港吸引力有限，因為香港人普遍喜歡時尚，對於東南亞特色之商品，好多時都視之跟不上潮流。你看街上有多少喜歡作東南亞民族服飾打扮的呀！試問你又會不會作東南亞民族打扮，讓人覺得你不是香港人，而被視作南亞裔移民來看待也沒有問題呢？
雖然香港都會有人喜歡泰國的衣飾精品，不過都是少數，而且就數有購買，平時也用不著的多，好似小弟年前都在泰國購了一批泰國式的花恤衫來穿，確是很好穿的，特別是夏天，就是本人至愛，不過平日上班就穿不得，所以買了一批之後就沒有再購，因為用不著嘛！而且老實說，喜歡泰國貨品，自己都可以到泰國入貨啦，現時淡季機票這麼平，有時間淡季去渡假之餘購物，都好普遍。你看每月這麼多香港人到泰國玩，許多人都是去了好多次，都成了泰國通啦！他們要購買特色的貨品精品，門路不會比你少，又怎會幫襯你？
以上觀點，都是個人想法，希望不會打擊到你創業的雄心。或者你試下入其他特色的貨品，讓店舖多元化點，吸引不同口味的客人，到時看看那類形式的貨品市場較大，才在那兒發展，才比較合理。

2007-03-29 09:34:50 補充：
看過你的拍賣網，俾點意見。擺設香港已不太流行，因為居住面積細，家居擺設燈飾等都用不多，所以買的人不多。大笨象給人笨的感覺，不如泰國人般視大象如神明。年前小弟都買了一批大象飾物做手信送朋友，不過喜歡的不多。那次泰國行同時買了一批絲巾，送朋友就有人喜歡，幾受歡迎。不過絲巾有季節性，現時近夏天就應該沒有人要啦。其他精品都好一般，好多去過泰國的香港人想信都買了不少，因此就無興趣再買的多。希望你不要介意，這是個人意見，不一定準。

　　我相信泰國精品有市場，但淨係睇你拍賣網D相，都覺得完全唔吸引，最主要係色彩灰沉，大部份相片都係大堆頭咁，有欠整齊。我都係做YAHOO AUCTION，生意中中等等都幾好。

　　泰國精品0係我印象中，係色彩豐富鮮明，你完全帶唔出呢點，買家又點會有意欲BID呢？試0下將你部相機+3或+7曝光補償，就算係傻瓜數碼機都有，如果冇，又想做YAHOO生意，睇黎你都係買過部。

　　相片內容都係一個好大問題，同一張相內有太多產品，基本上只係「推廣緊你間地舖」，而唔係做緊拍賣，同YAHOO AUCTION玩法完全唔同，D買家亦冇太大興趣，除非佢係勁鍾意，否則唔會考慮。

　　提醒埋你最後一樣，網上購物，顧客摸唔到、睇唔到你件貨，通常消費衝動好低，所以一定要影多D清楚0既相，唔一定要好花巧，但一定要清楚，而且要對每一個客人0既態度好好，等人地買完一次都有回頭。

　　最後一點係你評分未夠高，買家非常重視評分，我好多客都話只考慮過一百分0既賣家。而呢樣野你急唔黎，做好上面幾點先，慢慢做就累積到D好評架喇。上左一百分，就好做好多。

　　你黎我間網店望望，一定要整整齊齊，分類清楚簡潔。我同你講丫，我一件貨最少花十至十五分鐘影相，再用十幾分鐘寫返段介紹。好忙碌，仲要出去交收，交收完可以0既話同買家家分享0下心得，閒談家常幾句，態度要好，保持笑意。網上賣野唔係只係放幾張相上去，等個客自己搵上門咁簡單。
http://hk.user.auctions.yahoo.com/hk/show/auctions?userID=fiana0823&u=%3afiana0823