同 Nigerian 做生意 (20分!! Urgent!!)

✔ 最佳答案

做國際貿易最怕就是收唔到錢，唔會話有單唔接就折墮，而係接左出左貨而收唔到錢才是折墮。
尼日利亞的一個重要工業，就是行騙，好多人依賴行騙來生活。網上有電郵話大筆錢要匯的行騙email, 也有在ebay 買貨後用假銀行email話已經匯出左錢給你戶口，商業上就有假L/C，假匯票，空頭支票等等。
我有朋友十年前中過尼日利亞招，他們真的付幾十美元購買手錶樣品，(寄美元現金來香港買)，樣辦寄出後，佢地話好靚，兼且當地有展覽會等著開，買立即買200隻速遞來，信內有張citibank美元匯票支票，咁幾百美元，我朋友都見佢付過錢，去銀行入票又入到，於是唔等收實錢都寄貨，點知貨寄出後，銀行才通知那張票是假的。十年前較少有這些尼日利亞商業騙案，現在香港人都知，絕大部份商行都唔做佢生意。你上網看看，竟然有香港人給騙了幾億元，後來尼日利亞政府拉到人，退翻幾千萬給一個香港人。人地幾億港元都可以給騙徒騙走，原來當地警務署長都有份是一黨 !!那些騙子一定有其方法。
騙子是不怕你精，不怕你呆，最怕你唔來 !!! 你以為你不會上當，開始與佢聯系，這其實你正是走上上當的第一步 !!! 佢地以騙人為業，自有方法，假銀行，假L/C，假匯票都有，銀行/forwarder可以不用單據提貨因為也是同黨。
例如你要先收T/T，佢可能找人(在香港的同黨)在香港幫你入張美國Citibank美元支票當做T/T，你查戶口都多了錢等等，好多方法，佢地也有手段，實令你中計。
至於佢點樣可以騙到你，我就唔知，因為我唔係專業騙子。但與騙子聯絡就是可能上當的第一步，我相信你在深圳你看到有人拉著你買手機，買電鑽，叫你玩三公賭錢，你都會立即閃開，這就是斷佢第一步。但現在你認為唔做生意是浪費，其實最終可能交學費。
提一句如果做生意賺20%，給人走了一次數，要做夠五單才能打和。少做一單，賺少一單好過。
我做生意二十幾年，我真心勸你唔好。

同 Nigerian 做生意 (20分!! Urgent!!)

回答 (2)