真假GREGORY點分?

1) 真貨係 Gregory (R)；假貨係 Gregory TM。精明既人一睇個Gregory字同埋個山仔logo就可以分真假，根本連(R) 定 TM 都唔洗睇。

2) 真貨個 Made in USA 牌仔係針織；假貨係一張尼龍牌。質素同誠意高下立見。

3)日版真貨日字扣係灰銀色；假貨係黑色　（真貨舊版都係黑色，但已經無再出，亦唔會用係而家流通既花紋上面）。呢個係假貨用黑扣呃人話係舊版袋既招數。

4) 真貨個拉鍊牌係兩邊都壓住Y K K三隻大字；假野係會壓住 Gregory 字樣同埋一座山仔。連１０蚊一條YKK拉鍊都要慳，大陸人真係識做。

5) 真貨拉鍊兩邊會壓住 Y K K 同埋　U S A字樣；假貨一係就無字，一係就照印Gregory

6)真貨條厚帶係純黑色，壓力帶可以魔術貼調較；假貨有時會用另一Ｄ色，同埋壓力帶無調較位

7) 真貨生扣前面會有gregory字樣，後面會有YKK同埋指南針；假貨個gregory字樣完全唔同，連個扣都唔同型，好易分。呢個無可能分唔到，成個扣唔同左樣，連個字既orientation都唔同晒。Day & a half pack 既 生扣, 印住national molding 都係真貨

8) 真貨兩個生扣一樣大細；假貨會有不同大細出現。一睇就睇得出啦？Day & a Half 系統既袋係會有兩種唔同大細既生扣，所以限Day Pack。但就算係Day & a Half，個扣都會係上面幅圖既真樣，而唔係假果種。

9) 日版真貨會有Cordura 牌，日版紙牌同埋大果張英日說明書，有Ｄ仲會有貼紙；假貨得一塊金色美版紙牌。唔止慳１０蚊一條YKK，連幾毫子一張紙牌都慳，真係絕。

有人聲稱有「亞洲版」或者「日本銀字版」，但根據香港代理Overlander表示，從來無呢一回事。 有傳「亞洲版」係中國注冊版，但Gregory唔承認，情況同Porter International一樣，其實亦唔係呢回事。 「亞洲版純粹係翻版」 就算唔係買都當學下野分真假，唔好再買到假貨喇…唔好貪平買個假，情願比多兩三百買個真既仲精明。