賣大包20分架!!貓貓屙尿落床肉可以點洗?

首先你要知道貓有以下程況都係會四周痾尿:
1.未做絶育手術,貓貓會通過四周圍痾尿散發自己氣味嚟尋伐異性.
2.你個貓貓厠所無清潔,貓係最愛清潔嘅動物,個貓厠所去到佢唔可以忍受嘅地步,佢就會四圍痾抗議囉.
3.發牌氣,佢有不满都會周圍痾尿架.
4.我有六隻貓有两個大貓厠所每日清潔一次都無問題,我以前轉過隻新貓沙佢地唔鍾意都會四周圍痾架喎.咁你要比多D新貓沙襟左D舊貓沙味,仲要每月大清洗一次貓厠所之得,換過晒D貓沙添.
我用開個隻桃味貓沙唔錯架真係有桃味,都係二十四蚊包到.
我都好同議你嘅講法,一張好D嘅床褥通常都過千,用三幾年都唔會換過喇,梗何況係新嘅,好似你嘅case我耐唔耐都會發生.
我會用抺手紙吸左D尿先,用多幾張真係吸到乾乾淨淨喇,再噴D貓狗專用嘅"禁區水"係寵物店買大約一百蚊到.等佢乾左再反轉張床褥尼瞓.咁就OK架喇.
要根治你要睇吓有無我開頭所講嘅問題先.

2007-04-02 18:56:07 補充：
呀......仲有一樣好緊要唔記得同你講添,就係去海馬買張床箭放係床單同床褥之間,咁樣貓貓再次痾尿都無咁麻煩,通常D尿尿有左尼張薄箭隔左,都唔會直接溜到落床褥度.我用緊個張四尺X六尺都唔洗一百蚊.

可以試下用禁區噴霧噴係貓貓亂痾尿尿的位置，要勁噴，貓咪聞到一定會走夾唔頭，要徹底辟去尿味，可以用寵物專用消毒藥水浸床肉，咁尿味就會冇哂，平時亦可用作拖地或清潔用途，除有效辟去室內異味，亦可消滅細菌，可瀏覽以下的網頁參考這些產品:
http://www.pet28.com/profile.asp?id=2787
http://www.pet28.com/profile.asp?id=654

我其中一隻貓都有呢個情况，間中就會疴一次尿落我張床，尤其係冬天張床有羽絨被佢就實疴落張被再滲埋落床褥,梳化都報消埋.....

我試過幾個方法:

1)捉佢去返疴咗尿嘅床褥上面,迫佢聞返,然後打佢patpat幾下,話佢知咁係錯嘅！
2)响寵物店買一支噴霧(貓好怕嘅味道),噴落床褥上面
3)滴荼樹精油落"出事位置",貓好唔鐘意呢隻味,又可以辟味.
4)可能你最近無理佢,佢想到你注意.你多啲關心佢錫吓佢抱下佢,等佢知你好在意佢(綱友教)

全部都無用,幾個月之後又出事...

最後我唯有狠心啲每晚都關門瞓,我响張床上面嘅時候先俾佢哋上床玩一陣瞓一陣,冬天最多開暖爐放响廳俾佢哋响廳瞓.
為免破產有時唯有狠心啲.