半側身體活動困難的病人, 通常需約留院多久?

通常需約留院多久, lee d 野講唔埋,
首先要明白, 個個case 都唔同, 唔可以一概而論.

俾3個例子:

example 1, 如果個病人, 未入院已經半側身體活動困難,
今次只係 肺炎入院,
咁醫生又唔係神, 無咩可能叫病人行得走得先出院,
只要treat好佢肺炎, 這個主要問題, 其他方面又無問題,
而佢出院之後又有人take care, 餵佢食藥... etc,
咁就多數可以批佢出院.
最快可以係住幾日就走.


不過如果個病人premobid 係行得走得,
今次係跌斷手斷腳, 打左石膏, 咁唔洗係醫院等到佢行得返,
都一樣可以批佢出院, 日後返去follow up就得.
最快都可以係住幾日就走.


以上兩個我估唔係你主要想問的,
我估你應該係想問如果, 病人今次係touchwood 中左風,
以致半側身體活動困難, 通常需約留院多久.

咁你要一個中左風的人, 由半身不遂變成行得走得,
真係幾難!!! (唔係話完全無可能!)

所以通常會留係acute 醫院一排, 一方面打針, 較藥,
一方面睇下有沒有再中風, 或其他併發症,
另一方面做下物理治療, 職業治療, 練返佢d muscle, 關節, 自理能力...
直至情況stable, 再轉去復康醫院, 繼續做下物理治療,職業治療,
直至情況再好d, 而病人屋企又安排好病人出院之後有地方住, 有人take care佢,
咁就差不多可以回家了!!!

咁lee 個通常需約留院多久, 真係好難講!
病發前行唔行得, 是否第一次中風, 家人精神上及時間上的支援,
而家病人食唔食到野, 要唔要用胃喉......
總之stable 同唔stable 可以差好遠!
最快around 一個星期可以去復康醫院


中風病人佔用很多病床，其康復時間長，我agree
但是否"必需"長期留院?
我不大認同!!!
不少中風病人, 情況穩定之後, 留係醫院等做下物理治療,職業治療,
等時間過, 等開飯, 等派藥, 等屋企人探,
屋企人又由開始的每日探, 到後來的成個星期都唔見一次, 病人心情每下愈況,
而且醫院又多菌, 其他病人又噪, 夜晚又無教好訓,
一晚整醒佢幾次已是等閒事,
可以的話, 早日出院, 對病人身心都有好處

對醫療系統及社會方面, 一個普通等床位, 成本三千幾蚊一晚,
一個病人只須俾一百蚊, 就用左成本三千幾蚊的病床,
然而他/她 真的有此需要嗎?
你有份納稅嗎?

題外話說得太多了! 不好意思

總結: 中風已致半側身體活動困難的病人通常需約留院多久,
真係好難講! stable 同唔stable 可以差好遠!
最快around 一個星期可以去復康醫院