穿耳help~~~~~~~~~!!!!!~.~

我試過同你差唔多情況﹐穿耳後三個禮拜開始發炎﹑紅腫同流d黃色o既膿。搽過消毒水﹑“蠟梅花油”都冇用。過多2日左右﹐個耳窿開始塞﹐結果要用“鵝述油”+純銀耳環﹐慢慢篤返開個耳窿。雖然篤得開﹐不過好痛﹑好痛﹑好痛!

如果你同我當時情況差唔多﹐可以試下用棉花棒將“鵝述油”塗o係傷口﹐可以消毒同幫助埋口。

如果你個耳窿已經埋左口﹐可以去金鋪買一對輕身o既純銀耳環篤返開佢。千祈唔好戴普通金屬或膠耳環﹐佢地雜質太多﹐只會弄巧反拙。亦都唔可以用金耳環﹐因為金耳環太重﹐有傷口o既時候再“聚”住個耳窿好易發炎。

“篤”開個耳窿o個時﹐一定要o係耳窿﹑耳窿周圍及耳環都塗滿“鵝述油”﹐然後用兩隻手指將耳環慢慢鑽入耳窿。重新戴上銀耳環後﹐即使沖涼都唔好再除低耳環﹐否則耳窿會塞返。每日都要清洗傷口﹐以防再發炎:
沖涼後用棉花棒沾上消毒火酒﹐輕輕力塗於耳窿周圍除下耳環托(*千萬不要除下耳環)﹐用沾有火酒o既棉花棒消毒耳後﹑耳針用沾上“鵝述油”o既棉花棒塗於耳窿﹑耳窿周圍﹑耳環﹑耳後﹑耳針輕輕轉動耳環﹐唔好俾個傷口“食實”隻耳環﹐否則一除耳環就好易發炎用消毒火酒及鵝述油清潔耳環托戴上耳環托完成如果你個耳窿冇塞﹐現時仍可以戴耳環(唔戴耳窿會塞)。不過依段時間耳仔好敏感﹐應該選擇純銀或樹脂耳環﹔亦可用幼身o既茶骨代耳環(即茶葉中較硬o既條狀物)。跟足1-7洗耳程序﹐一兩個禮拜內耳窿應該會完全痊癒。

雖然你而家唔覺得痛﹐但個傷口始終未好﹐唔小心處理會越來越嚴重。即使將來傷口埋左﹑個耳窿又冇事﹐發過炎o既耳仔一接觸到有雜質o既耳環好易再發炎。建議你小心選購耳環﹐同埋唔好戴d太重o既耳飾。

希望我痛苦o既經驗幫到你^^”

*鵝述油於藥房有售

傷口未埋晒口掛............ 你都唔痛, 可能就快好返la.......擦穿耳俾你個支消毒藥水就ok la.............