金毛bb的照顧方法

而家BB一個半月大已經可以帶佢去打預防針喇
之後就一個月打一針, 連續打3個月, 一共打3支針
BB而家可以食狗糧架喇, 可以浸糧比佢食
到3個月後就唔需要再浸
而家咁細個最好少量多餐, 一日比4餐佢食
幼犬糧營養較多, 岩BB食
同埋而家要比佢食杜虫藥架喇
而家都係一個月食一粒, 直到4個月以上就3個月先食一粒
狗狗打齊針之後, 隔左一個星期之後可以比佢沖涼
沖完涼第2日後可以幫狗狗滴蚤
5個月大就要打瘋狗針, 以後每3年打一次
通常BB狗最常有既疾病係
狗瘟=發高燒,呼吸困難,眼睛和鼻子有濃液分泌物,咳嗽,患有嚴重肺炎,腹瀉,嘔吐,肌肉抽搐
有食慾,身體軟弱無力(有7-10日潛伏期及有傳染性)
腸胃炎=沒有食慾, 嘔吐, 腹瀉,無精神,內有寄生蟲
病毒性腸炎=發燒,食慾及精神不振,持續性嘔吐,下痢,腸管粘膜出血，排出惡臭味血便、白血球下降、脫水、腹痛
所以呢, 一定要要帶狗狗去打齊針做足預防呀
平時都係要注意清潔啦, 唔好比狗狗食左D唔乾淨既野
同埋而家天氣咁好潮濕, 一定要保持屋企通爽
唔係好易有蚤同皮膚病架.....
同埋BB仔腸胃係敏感D架, 夾岩一隻糧比佢就唔好成日轉
唔係佢適應唔到好易肚痾
金毛HIP位後腳都幾易有問題架...
等佢可以出街行時, 多D帶佢行石屎路, 唔好成日比佢落樓梯
同埋佢腳底毛長時, 幫佢修下佢呀, 唔佢行路會善下善下架喇~~~

首先，一定唔可以沖涼，到打完全部預防針先好冲。其次，要將bb糧先浸"林"先比99食，要奉行小食多餐。至於食咩糧，最好問你朋友之前餵咩狗糧比99bb食，儘量唔好轉住，等99大D, 腸胃冇咁敏感先再考慮轉糧。

99瞓嘅地方要保持清潔、空氣流通。

想知道99有冇病，要注意會唔會突然冇心機玩同食嘢，好赲咁，淨係想瞓覺，再檢查一下99嘅鼻有冇好乾或者有鼻水，同埋D臭臭是不是"爛"嘅。有以上其中的情况，就要即刻去睇獸醫，因為99重細，又未打針。