✔ 最佳答案
陳奕迅唱歌好有幾方面:
1) 聲底好,令人聽落好舒服。
2) 識用氣同埋用聲,抖氣位唔會好明顯,
唱高音唔會扯破喉嚨咁嗌出0黎,
假聲又唔會用得好突兀。
雖然好少會聽到陳奕迅震哂喉嚨咁唱歌,
但我覺得震住喉嚨咁唱歌其實反而唔自然,
而且無呢個必要。
3) 聲線多變化。
如果你有聽過<怪物>、<兩名男子街頭相遇>、
<浮誇>、<葡萄成熟時>呢幾首歌,
你會發現陳奕迅用0左唔同0既聲線,
唔同0既方法0黎演繹。
呢個亦都係佢同其他歌手最唔同0既地方,
亦都係佢比起其他歌手0既優勝之處。
4) 唱歌有感情。
呢點雖然唔係得陳奕迅一個做到,
但好多新晉歌手都忽略0左呢點。
明顯0既例子有<單車>、<Shall We Talk>、
<傷信>、<抱擁這分鐘>等等。
5) 唱Live好得。
唔係個個唱功好0既歌手唱Live都一樣咁得,
而且佢唱Live唔只聽得,仲睇得,
能夠帶起氣氛,再加上身體語言,
可以將首歌表達得淋漓盡致。