港龍及香港航空空姐??

1) 咁係咪做呢兩間公司0既空姐係冇機會飛外國?
晌你心目中, 咩叫外國先? 日本算唔算? 都三個幾鐘頭機架....

2) 如果係咁冇0左去外地0既allowance,份量係咪會好少?大約會有幾多昵?
我可以講既, 就只係... 港龍既allowance係唔少... 幾多我唔方便講, 但係一定唔會比其他航空公司少, 起薪點比某d大既航空公司好, 呢樣係真既......

3) 咁每次執勤都會即日來回?每個月工作時間大概會係點呀?
唔一定即日來回架, 因為 FDP (Flight Duty) 既問題, 如果夜機去 (例如夜晚8點幾先去北京) 要晌酒店過夜架.... 好普遍架咋....
如果你晌港龍度做, 每個月你有一個新既Roster, 大部份空姐, 每一個禮拜既飛行時間 (我地叫Duty Hours) 都會好平均..... 例如你有兩班東京, 隔幾日就會飛上海, 唔會飛北京架喇.... 因為北京晌港龍既航線黎講, 算做長途機..... 如果你接左你既Roster有咩唔滿意, 可以同第二個同事調.... 當然, 要大家一齊簽紙先得啦... 為左公平, 大家既Duty Hours都差唔多.....

2007-03-27 00:08:50 補充：
前港龍職員