那個台北夜市最多東西吃及最吸引呢

我06年11月都同男朋友去左台北;
我地兩個從未去過台灣, 但係都選擇自由行
因為我地出發之前都睇過旅行社的package
好多都係會帶你去D買野的地方, 一日可能去成幾個地方, 坐車都坐都暈
又唔想日日咁早起身, 仲辛苦過返工!

最後我地就決定買本台灣指南, 只係去旅行社book機票同酒店
我地係搵東瀛遊的自由行, 佢包機票+酒店+飛狗車票(即去酒店的免費車)+捷運一日任搭
我地兩個日夾埋用左四千蚊(連機票+酒店), 四日三夜
其實你去到台灣坐捷運同你響香港坐地鐵一樣咁方便
一出站就會去到你想去的地方 (最佳的酒店地點我覺得係台北車站)
我地上次住西門町都蠢左, 因為坐捷運時要成日轉車, 不過未去過, 無計啦!

我地兩個每晚都去士林夜巿度掃街, D野食實在太好味喇
必食推介:
士林夜巿: 官材板 + 燒烏蛋 + 愛玉檸檬 + 日式燒麻糬
西門町: 排骨酥麫 + 魔法咖哩
淡水: 阿給 + 超高雪糕(雖然呢樣唔好食, 但一定要買黎影張相)
台北車站: 良品刀切牛肉麫
忠孝敦化: 紅蟹將軍 (一百蚊任食長腳蟹)

而家講返都想去多次添呀 =]

除士林跟西門丁, 華西街夜市(廣州街夜市), 寧夏夜市, 通化街夜市, 師大夜市都有好多野食.
我個人比較喜歡寧夏夜市, 雖然攤檔比其他夜市少好多, 但90%以上都係賣野食.
而且都好好味! 推薦營養三明治.

華西街夜市(廣州街夜市), 比較像香港的深水步...雖然人流比較複雜, 相對物價比較便宜.

通化街夜市因近東區(就像銅鑼灣), 比較多年輕的人去.

師大夜市就在大學旁, 款式多, 消費便宜, 份量大, 還有一些特色小店.

如果第一次去台灣(台北)的話, 士林是必去的, 因為夠多夠大, 但價格比較貴.
我去士林夜市都是因為要夾公仔同食石頭火鍋
因為咁多個夜市, 最易夾到就係士林, 順手就去埋吃飯.

淡水的食街比這兩者更吸引!!!
款式比他們多得很! 可以掃街掃一個下午!
台灣出名賣魚鬆甚麼的的檔, 也可在這裡找. 挺好吃的!
是我認為必要去的! 我去完就覺得士林和西門町也沒甚麼大不了!
但我去的時候是白天, 不太清楚晚上開不開.
而且可以在那兒坐約 10 分鐘船去 情人橋, 黃昏的時候真的好漂亮!