貼牆紙好? 還是油漆好?

本人覺得你都係油返油好d, 因為你個女都大個啦, 應該唔會再亂劃到花晒, 同時, 用舊了只要執灰及翻油就可以, 不用鏟底再重新做. 牆紙就唔同啦, 用舊了就要鏟底再重新做, 非常麻煩!
牆紙與牆布最大分別, 就是牆紙是 [牆底], 而牆布就是 [布底].
現時香港買到的多數是 [膠面], 因為香港天氣比較潮濕, 可以用好濕嘅布抹都沒問題.
牆布比牆紙堅韌, 但款式唔多, 強度力好, 清潔容易, 闊度長, 駁位相對少, 所以效果較好, 但比較牆紙難做.

牆紙比牆布咁襟用, 但花款多好多, 因紙底容易脫落, 強度力欠佳, 部分不能用水清潔, 闊度短, 駁位相對多.
漆油方面 :
本人覺得油漆最好, 因顏色多容易配親, 用舊了只要翻油就可以, 不用鏟底再重新做.
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!

2樣都ok 架..
不過油漆就方便d
又耐用
轉色又方便
牆紙整得唔好.
好易砒口
易舊
轉款麻煩,要產晒先
配返同款既牆紙好困難
要買時就要預多d啦
唔係到時一忽忽就唔靚
因為我試過

其實最好是看你所住的屋地區和方向是否屬於潮濕, 因為香港環境潮濕, 乾燥日子不多, 因此如果潮濕的話, 貼牆紙時會比較麻煩, 會容易裂開(即交接位置), 如果手工不好, 更會有突面, 發霉等表面出現, 而油漆可能會較好, 因為容易修補, 但花款則比牆紙少, 而且現今的油漆科技有很多種, 如防水, 可洗擦等, 而且由於油漆多是平面, 平日可以用除塵拖把來清潔喎, 都幾好, 但如果你個女已經長大了, 可以由她自行決定她自己的房間要怎樣, 你從旁協助也可以。
你也可以先找裝修工上門格價(問一下價錢), 順便問他的意見, 我屋企都是這樣才決定要用油漆還是牆紙的。

油漆啦.
港澳地區春夏季時潮濕, 如果貼牆紙好易發霉. 尤其你屋企有細路女呀. 我家姐屋企本身都貼牆紙, 但因為發晒霉, 個女又成日病. 佢而家打算裝修換返油漆.

細路仔係中意畫野架啦, 如果要畫, 無話牆啦, 真皮沙發佢都會照畫架啦.