今日經過california 中招啦

呢樣嘢真係睇你玩得多唔多, 回唔回得返本啦. 睇吓你平均一個星期去幾多次啦.

兩年有 104 個星期 :
假設你一星期去 3 次 : 即 104 x 3 = 321 次 (每次 $18-HK)
假設你一星期去 2 次 : 即 104 x 2 = 208 次 (每次 $29-HK)
假設你一星期去 1 次 : 即 104 x 1 = 104 次 (每次 $58-HK)

但須知你要返工, 收工仲有無精力 keep 住去做呢 ? 放假又會唔會有其它節目呢 ? 仲有喎, 好多嘢一開始就興趣大啲, 遲多幾個月就淡咗啦, 無咁想去啦.

運動係多元化的, 你今日可能鍾意打波, 明天想去游水, 後日人哋約你行山, 或者跑步--------咁, 試問你又甘唔甘心晚晚躲在室內玩 gym 呢 ? 返工已經處於室內, 回家又是室內, 現在連做運動都是室內. 我就覺好悶囉.

同埋, 一次過俾大拿拿 $6,000 俾佢, 雖然佢咁大間字號, 我相信佢唔會倒閉, 但自己若無恒心持久玩落去, 就真係浪費啦.

如果你真係有興趣, 錢付出咗就唔好嘥咗個權利, 但我睇你寫嘅嘢, 你似乎唔係咁鍾意去玩gym 啫, 對嗎 ?

真係睇你有無心去玩o既啫, 如果你真係日日去, 2 年淨係用佢o既桑拿, 毛巾同沖涼都用番夠本啦 (每日唔使$9), 其實加州最貴o既唔係會費, 而係私人健身教練, 成$600 至$800一堂, 本來有教練都唔係壞事, 教練除o左指導下你, 仲可以逼你勤力d, 同埋幫你爭下機用, 係d比較多人o既場, 會好過自己一個人戇居居去同人爭, 不過教練質素好參差, 我自己就好彩遇到個真係有心機教o既, 但我一個朋友個教練簽o左約後就求求其, 之後仲無做, 結果我朋友變o左人球, 搞到無晒心機玩.

去健身本來就係一種消費, 好多人幾舊水去卡啦ok坐又唔嫌費, 去玩健身就牙痛咁聲, 其實睇你自己點o既啫! 如果你根本唔鐘意玩健身o既, 咁你舊錢等於掉落鹹水海囉...

Depends on how many times you go there every week.

BTW, the personal trainers are very annoying. So take extra precaution on this.

見人見智啦...
照計每個月 $250, 都唔算貴既!
但係我一定唔會預先畀$6000幾蚊佢交租囉~