我依家有左7個月~仲未去產前檢查~

恭喜晒喎~~

1. 諗下想去邊間醫院生BB

2. 拎住醫生證明去醫院登記

3. 醫院會安排你照超聲波(正常四個月左右就要照，作用係睇吓BB嘅器官齊唔齊)同產檢(驗尿、量血壓、磅重、俾姑娘摸肚、聽BB心跳，做完呢啲就見姑娘，姑娘會同你分析你現時嘅情況，俾意見你，有需要就見醫生)，無問題就會轉介返你去就近你嘅健康院繼續做產檢。

4. 健康院會同你做產檢(7個月應該四至六個星期做一次產檢，8個月應該兩、三個星期做一次，9個月就一星期一次)健康院D姑娘會同你安排，你每次做完就會約下一次。

5. 如果有陣痛或見紅或穿水嘅情況就即刻入醫院(因為呢D係BB出嚟之前嘅徵兆)

健康院有好多小冊子俾你拎返屋企慢慢睇，基本上你想要嘅資料都有齊，好似孕婦餐單、入院需要準備嘅物品嘅清單、孕婦要注要嘅事項嗰D都有，仲有講座教你湊BB、產前運動班，好多好多……

總之你而家第一件要做嘅事就係快D去醫院登記，有問題可以問醫院或健康院嘅醫生同姑娘，佢嘅可以好詳細咁解答你，會教你點做，佢哋係專業人士，直接問佢哋啦！

希望我可以幫到你啦，因為我既CASE都同你差唔多，不過我比你仲遲去，到而家諗番先知原來個時係幾危險。
你而家首要係帶埋醫生出比你既信去醫院做登記，跟住佢會約你番去做產檢架喇，之後你就要開始買定大人同埋BB既野，因為有D人會早生，要早D準備定！
有咩唔明，可以問我丫，希望可以幫到你！

你是不是未婚懷孕或好細個？或者你係持雙程證來港？照計你的媽媽或丈夫的媽媽會幫你，或者你身邊懷過孕的人都會教你。

2007-03-26 01:20:23 補充：
只 要 証 實 有 了 Ｂ Ｂ ， 前 往 政 府 醫 院 登 記 ， 醫 院 便 會 安 排 適 當 及 免 費 的 產 前 檢 查 給 你 ； 不 過 ， 若 你 想 知 多 些 ， 又 或 檢 查 做 得 仔 細 些 ， 亦 可 選 擇 前 往 私 家 醫 院 或 診 所 做 產 前 檢 查 。 http://www.socialwork.com.hk/pregnant/born_baby_plan/html/194bc-a01.html

你快d去做個檢查先啦,
應該會照超聲波,
跟住幫你check預產期, then做埋身體檢查,
睇下你身體bear唔bear到生產時既pressure
好似話要買d孕婦專用M巾,
因為生完之後會流足成個月m. 1定要買定先
同埋要買定bb衫, 尿片, 奶粉, 奶樽, bb床等等bb要用既野
仲有要同自己老公去上產前課程! 係1定要上!
出院之後, 可以買返d補血食品俾自己-v-

其實咩食得咩唔食得最好問e生,
因為我地呢d喳up無根據既可能會令你同個bb好危險.
我就唔敢亂up啦.
但肯定既係, 生之前可以食多d有蛋白質既野,
可以幫助個bb既發育
少食油利野啦. 但又唔可以唔食喎
注意胎教, 同埋有樣野要記住,
你自己食咩=個bb食咩.
所以食之前要諗清唸楚

bb出世之後最好餵人奶,
因為食奶粉既bb可能會熱氣, 有皮膚病
同埋飲人奶大既bb係healthy d架