孔雀魚問題

一般魚舖都有外置燈買,你去問下啦
另外市面上有好多套缸,一般都有哂過濾,燈,不過要另買氣泵同暖管,
天氣凍時,孔雀魚呢類熱帶魚係要曖管(一般開到25-28度最好)
但過濾入面要有過濾棉,生物環,同時要配合(硝化細菌)使用,
所以你要最基本要有----(魚缸/過濾/燈/暖管/溫度計/過濾棉/生物環/一支硝化細菌)
頭一次買養魚用品係貴d架啦.....不過係長用,所以係必然的!!
如果係夏天,你可以咩都唔要,只用一個氣泵接駁(水妖)都可以,用(水妖)0既好處係因為,佢係一種氣動式過濾器,佢出氣0既同時又可以過濾,不過都係要用硝化細菌架仲有過濾棉!!
仲有要記住養魚先養水,即係話最基本要知道自來水係有氯氣,而氯氣會傷害魚鰓,所以一定要放足24小時先可以用黎換水or養魚,但新缸洗好之後,所有野加好哂時,要落硝化細菌響過濾器個存水位度,頭3日水會唔清,因為硝化細菌系統形成中,之後剛好一星期,d水就會清,期間你可以放d(試水魚)入缸中,加快硝化細菌系統0既成長,又可以知道d水係咪可以養魚!!
一般黎講做哂以上0既步驟,而(試驗魚)又冇事0既話,你就可以買孔雀魚架啦!!