我而家好煩惱,我有左bb,唔知要唔要好

我都好明白你既感受,因為係三個月前,當我知道有左(仲要係做好哂安全措施後發生意外中既意外),我都好決絕咁話唔要,之後本應諗住上診所照ultrasound時confirm埋幾大,跟手排埋期做人工流產手術既時候,照緊ultrasound時,個醫生問我見唔見到有忽閃閃下,我答見到,醫生話果個係BB既心臟.

當時我無啦啦腦裡一片空白,係度不停諗..我窮,成日擔心無錢照顧好BB,又擔心影響到自己一路享受緊既自由自在既生活,係咪緊要得過一條生命呢?! 我不停反問自己,生活受影響係咪會導致到要死呢?! 之後我喊左好耐,都唔知點算好,就返屋企同老公再細心諗多次,最後都係決定要!

當然,決定要之後都會有好多煩惱,但係你身邊一定有好多人支持你,同你一齊去面對,一定多過你唔要既時候搵人去support你!所以你唔好過於擔心...

我好明白你既憂慮,但係諗到人生在世無野緊要得過生命 + 唔要之後既心理壓力無人可以幫到你,係只有你自己先可以獨力承擔+面對,你一定要衡量你自己唔要後既心理狀況,一定要三思而後行. 真架!你話俾朋友親人知,可能無人會支持你唔要,但係世上有好多野都係上天一早已經安排好,你就好好諗清楚,唔好一時意氣而做錯決定,你會一世後悔+成陰影..我而家陀住BB成4個月喇,個個月都好期待去產檢照下個BB..見到BB係自己個肚裡面成長好奇妙!

希望你好好諗清楚,擁有快樂既人生!

God bless you

唔好再落喇，真係好傷咖，又傷身又傷害咗個BB。

初生嘅BB唔使用好多錢啫：
政府醫院生嘅話，無乜大問題都係幾百蚊上落(入院費$50，住院費$100一日)
BB床幾百蚊都買到張新嘅，其他必需品例如奶樽、沖涼液都係幾十蚊啫
一個月奶粉尿片一千蚊都可以咖喇
BB衫如果你唔介意著舊衫，好多媽咪都會俾人，因為多數都好新淨，著一陣就唔啱著，我都可以俾你

到第時大個要讀書嗰陣可以向政府申請資助，好多人都係咁湊大D仔女咖啦！

船到橋頭自然直，嗰個係自己骨肉，再辛苦都值得！

我唔知你所謂無錢程度如何？其實相信不是每個父母都要賺取夠金錢才有BB，講真養一個BB有平有貴，總之夠佢食同住咪得囉！我而家懷有雙胞胎，都有D失預算架，但公一份婆一份，BB都係上天所賜既，一定有辦法攪得掂既！

外人很难明白你的環境和內心，你已落了２次胎，自已心裏覺得安樂嗎？同身邊信任的人商量吧！有因难搵社會福利署！ （願天父給您平安！啊們！）

我會留返係度 因為係自己既BB
如果冇錢既話...遲D再諗辦法!!!

2007-03-25 20:32:13 補充：
希望你唔好再墜Na 要珍惜小生命呀^^