✔ 最佳答案
我有間睡房都係對住廁所的, 聽人講話唔好, 要擺塊紅地毡在廁所門口.
咁舊年, 我有緣請到風水先生到我家睇風水, 都有問過佢呢個問題.
佢話無問題的, 唔需要擺任何東西, 只要廁所保持空氣流通, 沒有臭味, 同埋保持乾爽, 就得啦.
其實講屋企的風水, 萬變不離其中, 最緊要光線適中, 氣流流通, 乾乾淨淨, 個人就自然住得舒服啦.
至於2樓窗門下面是斑馬綫, 整天聽到紅綠燈的嘟嘟聲. 外面環境係改變唔到嘅, 就算俾你搬走咗盞紅綠燈, 都趕唔走馬路啲車啦. 啲車聲咪一樣咁嘈 ?
我都住喺低層, 啱啱出面15-20呎就係馬路, 開初入住都覺得好嘈, 住咗幾年就慣咗好多啦, 一樣瞓得咁好(仲有時返工遲到添) !
但最唔方便就係有時要開大聲啲個電視或收音機. 咁我就會關細啲個窗; 或者關窗(面向馬路的) 改開大其它窗讓空氣流通; 又或者直頭關窗開冷氣.
你記住風水都係科學, 是合理的. 氣流對人的健康很重要, 不要在家裏設太多布簾或掛太多布塊, 一來影響空氣流通, 二來阻礙視線, 也是不好的.