得5天去雲南可以點Plan??

五天假期遊雲南都可以，不過就只可能選擇幾個大既境點，
但我覺得仍然值得一去，如果鍾意既，有機會再計劃去一次長ｄ時間，
玩多ｄ地方囉。

以下是建議行程，可作參考及因應自己喜好而增刪：

day 1 出發到昆明 或 麗江
這天可以遊覽一下麗江城，想方便既，可以包一輛的士，
只需 RMB 40-50左右。
夜晚可以出去古城既四方街行下，佢地有民族舞跳。

day 2 古城一日遊
主要係遊覽古城，同埋為黎緊兩日既行程作準備。

行古城，可以感受一下麗江納西族民化，古城入邊有好多野賣，
土銀、木雕、畫像、銅器、精品、民族服飾等等，都幾有趣。
再可以去下古城入邊既萬古樓睇古城全貌，去木府睇下歷史文化。

仲有記住要 book 定車以供之後兩日行程。
您可以先響住既地方問下價，有左個預算先。
然後到古城正門口既廣場度 book。
又或者可以係古城內搵下人地貼出來搵同行既貼告示，
join埋佢地一齊去，多ｄ人玩高興ｄ，亦有個照應。
夜晚可考慮去酒吧街吃喝玩樂，感受一下當地特色。

day 3-4
可選擇：
－玉龍雪山、甘海子、雲杉坪、毛牛坪、白水台，
　還可以乘索道上海拔 4760m 既觀景台。

－玉龍雪山、甘海子、白玉河、玉水寨、束河古鎮

然後往 香格里拉 或者 海螺溝。

day 5 回程 麗江 / 昆明
您可因應自己的航班時間返回 麗江 / 昆明。
當然，若時間許可，還可以在麗江到處走走。

2007-03-30 15:12:27 補充：
上面朋友建議跟團，若果有合適的日子、時間，當然也是一個選擇。不過以我所知，香港各大旅行社舉辦的雲南團以 8天以上居多，最少亦要 6天。若果您可以延長您的假期，又有適合的團，的確可以免去一些麻煩。(但也少了一點樂趣)

昆明號稱花城,亦有不少名勝古蹟,如石林,九鄉,龍門等等!
可去大理古城麗江,玉龍雪山,這些地方都要十多個鍾車程,或搭機,不如跟團!免傷腦筋!