你會否結婚呢?10點

我是一個女孩，我會結婚，因為這樣才算是人的一生。大概會在25~30歲進行。結婚當然要計劃，這是為了將來的日子如何渡過。在金錢和健康都有所顧慮。婚姻就是人生的下半輩子，它是必經的。

我本人是女性,今年都廿六歲啦.....你如此一問,就知你是一個好可愛而且仲成日幻想自己將來的婚禮係點呀,個老公/老婆係點呀,幾多歲結婚,生bb呀.....

回想我自己細個都有一大堆依d問題......我都是過來人.....明白你想問咩....

我會結婚...我出年嫁啦....因為每個人到左唔同的階段就會有唔同的思想....須要的野又會有唔同.....如果唔計劃結婚我下半生會好寂寞架....仲有當決定左結婚之後,就會顧慮日後會點樣和對方相處,點樣可以維持大家關係...因為結婚唔係兩個人既事,而係兩個家庭既事.....

結婚對我的意義是代表另一個階段既開始...由結婚開始除左照顧自己仲有身邊既人,到有bb後又要開始學做媽媽.......(一大堆新的開始) 走進另一個階段....我覺得作為一個女性,如果唔經過依d野....人生又點完美呢!!!!

比起當年計劃的已經完全唔同啦...要視乎經濟能力等的問題....
有時計劃同現實始終都係有差距既....

以上只是個人意見.....

我是女子.

1. 我就快結婚啦! 之前我一直都覺得結婚不需要, 大家在一起好好地就得. 但其實結婚, 不單止是一張証書, 是一個對方對你的承諾, 當然希望同對方結婚, 如果打算有小朋友, 更加負責任, 給孩子一個家. 所以如果愛一個人, 為什麼主動去簽紙結婚!!
幾時是結婚的時間是很難捉摸, 就算相士都未必準, 你看你自己是否可以適合多一個人同你生活, 大家互相分享, 同分擔, 如果打算有小朋友, 就考慮早些結婚, 對你, 同小朋友都好.
2. 結婚不是一個人可以做到, 所以當你同另一半已認識了一段日子, 大家可以一起討論將來, 如果他真的有心, 一定與你討論儲蓄, 日後共同生活, 如果不是, 你就要看看自己真的是否在唔在孚結婚.
3. 婚姻絕對不是人生必經的階段, 有些人不結婚, 都好幸福, 但意義就在於你願唔願意承諾終生愛護及與你的partner共同進退, 大家坐在同一條船, 一起去經營一間公司(家庭).

1.我唔會結婚(冇意思，只係儀式做比人睇)，要離婚又要搞好多嘢(現代婚姻太化學，人係會變)
2.你認為結婚要計劃嗎?為什麼?.........其實有事業和經濟基礎就ok，你諗住大搞/生仔咪要計畫，最緊要係兩個人都覺得ok 咪得囉
3.唔結婚咪冇顧慮.......最怕d麻煩屋企人(我同我bf係唔鍾意比人管)
4.婚姻不是人生必經，最緊要係兩個人睇法(我同我bf冇結婚，但生活同個心都好似結咗婚，但唔覺得有需要結婚)，結咗婚亦唔代表唔會離婚
我係女就快3張

我是女的

1. 我會結婚，沒有特定原因，想結婚就結，正如你鐘意一個人一樣，唔一定要原因。
如果結婚要定年齡，大約三十歲左右啦~男就三十以上好d，因為思想上同經濟能力上都較理想~

2. 我認為結婚要計劃，就算唔擺酒，淨係排期註冊都要計劃下咩日期同地點啦~
如果擺酒更加要計劃啦~自己能力下定一個結婚開支限額再揀擺酒地點，揀中式定西式，影婚紗相，租衫等等都要計劃~

3. 顧慮都有幾個層面，你指的顧慮是哪方面？各人生活背景唔同，顧慮嘅野都會唔同，有d人會顧慮結婚開支夠唔夠，人d人可能會顧慮結婚後同老爺奶奶住夾唔夾，有d又可能會顧慮生唔生bb等等啦~唔結婚又可能會顧慮老左之後會孤獨等等問題。

4. 對於我來說婚姻的意義是可以在人生中留下美好回憶，即使將來情況唔一定是你所想美好，但起碼你經歷過。我又認為婚姻不是人生必經的，因為你可以選擇，你有自己嘅思想你可以選擇唔結婚的，有d人淨係鍾意拍拖唔鍾意結婚，有d人連拖都唔拍添~

其實冇咩所謂啦，很個人的，自己鍾意點咪點囉~唔通人地話結婚好就結，人地話結婚唔好就唔結咩~~

Hello, I'm a girl.

1* 我一定會結婚, 因為當自己大個咗係需要建立一個屬於自己既家庭.
2* 如果大家守承諾既我應該係27歲結婚, 唔係既都會係29歲前.
3* 結婚一定要有計劃, 為什麼? 其實做任何事之前你都要有計劃, 冇計劃點樣去做, 即使比 你做到都一定唔會好.
4* 對於結婚我冇什麼顧慮, 只要我既另一半樂於同我一起去分擔.
5* 婚姻對於我來講係人生必經的, 好像有雞先亦或有蛋先, 都一樣係要結合. 對於我來說婚姻既意義係當你和你既另一半結婚後, 便冇分你我, 你地係二為一體. 要共同分擔彼此的一切.

首先我係女仔黎既
呢個問題我周不時都會諗(雖然我依家未到適婚年齡)

不過我覺得女人結婚最好係25-28歲左右，男既就最好30歲左右啦
顧慮就當然係要諗清楚呢個人係咪值得同你過人世,負托終生啦
另一方面又要諗下,同對方既家人合唔合得黎
又要計劃下到時會唔會生baby~

婚姻既意義？我認為未必係人生必經
不過如果真心愛一個人,未必一定要結婚既
如果你係一心希望能夠組織小家庭就當然要結婚啦

我會。應該大概20幾歲，總之30歲前就最好。因為每個人都 要長大，而當你結婚後，離開父母，與丈夫生活時，你們學習彼此照顧、彼此分享、彼此承擔，我想這會讓我們真正長大。
你的問題太多。答住咁多先!

要結婚阿 因為才能有下一代