我想問下返緊教會0既基督徒(10點)

我想問下呢,返緊教會0既基督徒
教會有咩活動架?
答：團契、主日聚會、戶外活動、戶外遊戲、打波、宿營、行山、學電腦、學彈琴、打機交流、歷奇、探險、水上活動、旅行、生日會 ... 好多個喎，視乎你返個間教會 多唔多人 及 教會提供多少而定，有 d 教會會比較少，過於靜態活動；有 d 就比較多，偏向動態活動多 d，所以睇你想搵邊隻啦！
係咪星期六要團契,星期日會有聖餐?大致內容如信息及唱詩歌時間會點分配架?(可否詳細講解一下個程序)係咪要上course 架? 上左同唔上有咩分別呀?
答：詳細分配上面位仁兄資料都講左唔少；上唔上既分別係等於 你的參與程度，參與得多，自然可以識到更多朋友，而且友誼與默契建立得快 d；如果你甚少參與，自然感覺與他們很生疏、陌生。
有無祈禱會架?
答：一般 基督教教會 都會有的，因為這是聖經的教導。
係咪一定要個個禮拜都要返教會架,有無人去點名架?
答：當你鍾意返教會，就會自自然然 自動自覺 每個星期都返，不過都會偶然有 d 人因為星期日要返工、唔知醒、去左街玩 or 其它事而缺席既；返教會係自願既，唔會有人強迫你，不過當然教會有 工作人員 去點名紀錄 當天的聚會出席人數啦，這個只是紀錄用途，不用太擔心的。
有無d弟兄姐妹成日打電話來搵你返教會,你話唔返,佢地又成日問點解架?
答：偶然都會有既，不會太經常及刻意搵你，你平常心去諗就可以了，他們只是關心、慰問下你而已，等於你都會搵朋友，如果個朋友呢排少見左，你都會打去問及關心佢啦，唔通咁都有問題？
佢地會唔會經常要你係教會留耐d架?
答：唔會，好自由的。
你想走,佢又好似搞到你好似唔0岩咁架?
答：唔會
P.S：你有什麼關於教會的問題也可以去我個網站留言問我架！