我囡囡今年5歲半,皮氣越來越差,真係好難同佢溝通......

計算你提供的時間，升上K3大概就是你剛剛懷孕的時間吧。會不會是她害怕將來BB出世後，她原有的地位不保，而你不再疼愛她？她故意這樣做是要引起你的注意力？如果是這樣，你要讓她明白她永遠都是你的女兒，你會一樣愛護照顧她。讓她明白將來她是姐姐了，要做一個好榜樣讓小妹妹 / 弟弟學習。同時你可以告訴她，將來有個小妹妹 / 弟弟和她一起玩，她就沒有那麼悶了。
作為一個媽媽，你不應該逃避而想將她放到寄宿學校，放到寄宿學校也不會解決她性格突變的問題，甚至她可能會覺得你是要妹妹 / 弟弟所以不要她了。你應該想想除了你懷孕以外，是否有環境、人物轉變，令她不適應以致她性格突變呢？
希望我的回答幫到你！

不要擺佢去寄宿,因只有5歲半.佢會覺得你放棄佢.

最好查明原因,帶佢睇輔導. Or 轉校( 鬼佬学校難免吸收外國性格,況旦你是中國人教法)

OR 帶佢學書法/畫畫.

吳洗審無需問，這有懶你多年來對她寵愛有嘉。佢矜貴呵、佢金菠蘿呀、佢趣緻呀、佢還細呢。5歲半人仔點解會學成這樣問自已啦。比心機寵她吧睇你幾時..............

我是男人離了婚，我有個女五歲跟我生活，我從來無想過比佢離開我，你湊了她五年半，點解你會想過擺佢去寄宿？你湊佢咁耐，你地感情應該好深，按道理你唔應該有這個想法，你有咁想過，還拿出來問人，唔似只係一時之氣或者講下，我相信你同佢的感情也不是很深，感情唔深的話？你又有否想過自己對佢是何種態度？我個女得五歲，識得擺定汽水入雪櫃雪凍等我放工回家有得飲，回家又比野我食，又比野我飲，跟住又係咁錫我，點解佢會對我咁好，無他...以心為心，將心比心，基本上我返工佢未起身，我放工回家都已經是午夜，我都好少時間見佢，但我同佢的關係仍然是很好，因為我對佢好囉！要恩威並施，佢做錯事要解釋佢明白點解錯，做對要讚賞，要同佢多傾偈溝通，要多關心佢.......你下下唔想理就話寄宿，你到底有幾愛佢？我個女曾經都令我失望過，佢曾經經常借意唔返學，我忍唔住用了武力，但之後我好後悔，我同佢認錯，我同佢講我打你是我太激心，你太唔聽話，我無辦法，我打你之時，我個心都好痛，我真係唔想打你，跟住就錫番佢，攬住佢，佢好似明白我心咁，之後佢就好乖返學，一路都聽我話到而家.......我並不是教你打女，我只係話你知，你要真心愛你的女兒，你也要用方法讓佢明白你是愛佢，再花點時間慢慢教導，記住有個廣告，有個小朋友好乖，d 人讚佢，問佢點解可以咁乖咁叻，佢話佢父母平時都係咁，係學佢地者，所以你自己都要樹立榜樣，知無......

2007-03-27 13:59:45 補充：
呀！睇完你的補充咁又唔同啦！我估計個 main point 係你而家有左六個月，小朋友佢地唔識咁多野，佢地只想獨佔自己喜歡的東西，你亦是她想獨佔的東西，她會意識到未來會有人來搶她的媽媽爸爸，可能你們現在都已經分了很多精神和時間在你腹中塊肉，她是會感覺得到她能得到的是分薄了，如果她乖乖的做自己野，你就會放心唔使睇住佢，到時你會做d 乜？你或會摸著自己的肚子，跟肚中的BB 講話，你或會花時間在聽聽胎教的音樂，要不是就做點產前的運動，說到尾就是你已經唔多唔少也會忽略了她，她怎會感到高興？

2007-03-27 13:59:58 補充：
但只要她變壞，你就沒時間理其他事情，你可以用幾個小時和她說道理，那樣不就是等如你重投她的懷抱嗎？只要她做壞事，你就注意她，她就從中得回你的愛......現在你明白嗎？要解決的話，你就要從中取得平衡，你要讓她明白讓她也要愛她的未來弟妹，如果唔知點做，其實你可向社處查詢，http://www.swd.gov.hk/tc/index/site_pubsvc/page_family/sub_listofserv/內裡有家庭及兒童福利服務，有些文章可作參考......

既然咁冇耐性湊
點解當初又要生佢呢
因為佢唔乖所以放棄佢，咁係一個負責任既媽媽嗎?
放去寄宿同放去孤兒院差唔幾
有邊個人細個未扭過計喊過得架
而且你話佢突然間脾氣變差，梗有d原因既
多d開導下佢，問下係唔係番學有人蝦佢/有d唔開心既事好過啦