救命....

其實我覺得你唔洗咁擔心架..

我係讀psycho既...雖然我識既野仲係好少..
但係個人認為你既問題並唔係心理病..
而係今時今日好多香港人既一種通病..
就係覺得好迷失..空虛...唔相信自己既諗法..擔心自己唔正常...唔夠好..
我可以話比你知..我自己都試過咁樣..雖然我唔知你係咪exactly有d咁既感覺..
但係我諗你唔係心理病囉..
psycho入面有一個term叫做identity confusion..
係一個好普遍好多人都會經歷既階段..
係identity confusion呢個階段裡面...
我地會不停懷疑自己一路既價值觀...自己既能力..想法..
而且會懷疑自己對宗教..政治既睇法..
呢個時候既我地係好唔穩定..唔知自己想做咩..
做既野未必係自己想做既..
呢一種迷失其實好多人都有..
甚至係呢個講求效率講求經濟效益..資訊發達..樣樣都要快既商業社會入面..
我地未必有好多思考同了解自己既空間..
就更加容易造成呢一種迷失...

我覺得其實你可以積極去了解自己...做每一件事都諗下自己點解會咁做..
從而認識自己係一個點樣既人..
另外...多d同朋友傾計...表達你自己既想法..
從而你都會觀察到自己對某些價值既取向...
當你確立左自己係自己心目中既形象之後..
你就會知道自己係一個點既人..
多d問下自己"第日想要d點既生活?"
"我應該做d咩黎達到呢種生活目標?"
"我做呢樣野係咪開心呢?"
"我覺得呢個人既生活幾好喎...我係咪想好似佢咁呢?"
咁你就會知道自己想點..
對將來都有一定既目標..
清楚自己行每一步做每件事既價值..
呢樣野一定要你自己積極去做..因為冇人幫到你架~
係你覺得迷失既時候就盡量搵d有意義同埋自己想做既野做下..
唔好由得自己迷失..
另外就係要學識欣賞自己..無論你既價值觀取向諗法同其他人一樣或者唔同..
你都係有價值既...而且你做既野對呢個世界係有一定既影響..
所以唔好輕視自己..
諗清楚自己既路..
信我啦..
迷失只係一個階段.....有一日係會過去既..到時你就會慢慢走向自己想要既生活架喇..

唔洗擔心架=]
多d同人傾計...努力享受同欣賞你既生活!
共勉之~

你無問題呀! 只不過係你目標去做一件事, or 你狀態問題呀, 係咪有事發生呀, 不妨同身邊人分享下 或者搵d寄託, 我有時都會咁架! 唔好擔心啦!!

找心理醫生
快