✔ 最佳答案
我唔知而家醫生俾唔俾貓貓食得罐頭or乾糧, 不過你睇完以下既方法之後, 都係問下醫生既意見先決定點做啦!
1. 貓係唔可以食人食既糖份 (所有甜既野都唔得), 因為人類既糖份, 貓貓係分解唔到既, 所以你都係唔好亂試喇;
2. 你可以試下買d 人食既baby food (雞肉味)俾佢試下, 因為都幾香, 又有營養, 而且又係糊狀, 貓貓食都ok既, (我之前都試過, 有d肯食, 但有d就唔肯食)
3. 你去supermarket度買d雞柳返黎, 用水白"卓"雞柳俾佢地食(記得斯開先俾佢食呀, 以免佢食得急得濟出事), 因為貓貓最鍾意食雞肉, 所以應該work既;
4. 如果都唔得既, 你就係supermarket度買幾罐cheap cheap既貓罐頭 (x大哥之類), 雖然用料唔新鮮, 但佢地勝在夠香口, 我諗都應該會有d反應掛! 但係你行呢一步就要小心d, 因為a. 唔可以俾貓貓成日食係supermarket度買既罐頭, 因為用料唔新鮮, 對貓貓身體唔好
b. 小心貓貓會上引, 所以如果佢一食返野, 你就要想辦法慢慢幫佢轉返佢應該食既乾糧喇!
話晒乾糧先至係營養最好既!
5. 就係叫醫生俾d開胃藥你貓貓, 幫佢開左個胃先啦, 因為佢點都要食返d野先得
仲有, 無論點都好, 如果貓貓唔食野, 都一定要迫佢飲水(用針筒餵佢飲都要嫁喇), 因為如果一缺水既話, 後果會更加嚴重, 手尾會更加長嫁喇!
祝貓貓早日康復!