長毛芝娃娃身體較差較難養？？請幫幫忙...

我個人認為,松鼠比起芝娃娃更嘈更鐘意吠,同埋因為細狗會比較惡,我見十隻狗,有八隻松鼠髀氣好差,我唔係咁鐘意lor

我隻芝娃娃很特別,又沒有喘氣(跑了幾個round都沒有),只係怕凍lor, 同埋芝娃娃會比較唔聽話,我意思係訓練佢時,佢好聰明,成日側側膊唔想做動作,你要叫多幾次佢先會肯做!
咬野就係狗都鐘意架啦,佢係玩先至咬我,平時因為出緊牙仔,要買玩具俾佢咬架!如果佢一咬我,我會大大聲NO,佢都無再咬了,但係就細細隻易抱同好熱情架,好鐘意痴住人,但係就會係人都跟lor!
不過,芝娃娃唔跳得高,唔可以落樓梯架,你要抱佢落,但係我個人認為, 小型犬真係方便好多!

長毛芝會靚好多架,但係真係唔係成日有,不過長毛就麻煩d,短毛就好易打理!
冰冰犬舍......我唔知呀!但都幾貴下lor, 你可以去dogonlife度睇架,買本地繁殖都差不多價, 同埋始終人地有牌lor!

你可以參考下以下個網,你就知pet shop買會有保障
http://hk.geocities.com/chihuahua_station

2007-03-26 15:44:47 補充：
dogonelife

我隻短毛芝娃娃好乖架.同長毛芝玩時畀佢凶啊我隻芝娃娃歲幾時前主人因為佢百厭唔想要佢,跟住見到我先生對車埸(元朗)d流浪狗好有愛心,所以問佢要唔要,先生一路都無應佢,因知我驚污糟.所以都無問過我.有一日佢;終於都問我要唔要,雖然我從來都無諗過要養狗(我好鍾意狗狗),但當時我問左佢係咩狗佢答我係芝娃娃時,我諗都無諗就話左要了
就係咁,1歲多d架佢來到我地呢個家庭.頭個兩個月佢真係來百厭,咩野都咬撕到d報成個廳都係,仲要周圍便便.,每次出街返來屋企都好似打完仗咁.我無經驗時都會好嬲閙佢,打佢,但後來我多數氹佢,指住被佢破壞左的東西教佢 ,佢識聽識諗架乖時又成日讚佢,后來變得好乖 亦都好幹淨,自己會去厠所便便.無再亂咬野 ,我地出街返來佢會開心到震.有時會開心到標尿添啊,但我地都會好開心囉.
我舊年年尾帶佢去打針,植入晶片,做埋節育手術,醫生幫佢檢查時話佢好健康.我地養左佢9個月從來都無病過.我地全家人都愈來愈錫佢.
芝娃娃一d都唔惡,其實佢好細膽,我記得第一次帶佢出街 ,佢驚到挾住條尾行啊(我諗前主人從來都唔帶佢出街玩.),鳴......後尾去得多先唔驚.只不過係好敏感,聽到屋企外邊任何聲都會嘈,好鐘意詐嬌 好得意同埋好性格八卦 好鐘意同其他狗狗玩.

我隻狗狗昨晚我帶佢出去行.佢太開心我又大意左畀佢衝左出馬路,畀架小巴撞到即時就離開左我地,我好傷心 我地全家都好傷心,都係我唔好 我太大意 .我都好憎個小巴司機,因為當時佢行得好快同埋仲要直行直過,避都無避一下.我好憎自己,點解唔拖實佢啊,佢一開心就會周圍亂咁走啊.所以如果你地有帶芝娃娃出街,一定要綁實佢啊 ,我而家好想死啊,我好傷心,喊到收唔到聲啊,,,,我再都唔可以鍚佢啦......
你地要好好錫你地架狗狗,你錫佢佢知架,佢幾百厭都會變得好乖...我害死左自己隻狗狗,如果我唔收養佢佢就可以好長命...我好對唔住佢啊,鳴....我寧愿畀車撞果個係我自己鳴....

我養緊隻長毛芝仔, 好得意, d毛鬆鬆地咁好靚架! 不過講真, 芝娃娃真係好百厭, 精力旺盛冇時停, 但就好聰明, 我都冇咩點教過佢去厠所, 因為我一買佢返黎果陣佢病, 所以我一直都放佢o係籠度, 到佢好返放佢出黎玩, 佢就好自然返入籠疴....養芝娃娃有好多野要注意, 佢好怕涷, 稍為涷涷少少就要用暖水袋, 毛毯...
至於嘈唔嘈就要睇下主人點教喇, 大部分尖咀o既狗都係嘈架喇, 不過由細開始教佢一定有用, 芝娃娃都可以好乖架!
我隻長毛芝o係旺角買o既, 但我勸你都係唔好o係旺角買狗喇, 好似我果隻咁, 買左返黎一星期就發覺佢有腸炎, 醫好腸炎第2日又氣管炎...好彩佢生命力強, 好返曬!
你可以試下去元朗睇下, 果度好多寵物店架, d狗狗都好健康o既...同埋我o係果頭見過幾間寵物店有得賣長毛芝, 你去撞下啦!
希望呢d資料可以幫到你啦...!