投資2-3年計劃結婚

3年時間, 由2萬變20萬, 我當你每月再儲4000, 基金淨回報要有12%一年. (未計收費)
你可以考慮短期的基金計劃(即係只收入場費果d計畫), 銀行同保險公司都有. 一般係2%-6%入場費. 這類計劃你可以隨時停供及隨時攞灑錢都得.
銀行好處係基金選擇多. 但2萬最多只可選2隻.
保險公司好處係可以免費轉基金, 一次買入多隻基金分散風險, 同埋有可能有agent跟.
提一提你, 要每年有12%回報, 一定有一點風險, 如果你靠晒佢結婚生仔, 真係冇人可以保證你到時一定有錢找數, 我建議你搵個理財策劃師傾傾好d.

2007-03-26 04:04:14 補充：
香港的financial planner通常都是在保險公司, 銀行或IFA做的. 大部份人覺得佢地可能會做得專業d. 其中以CFP的認受性較高.

結婚，閒閒地都用 10 萬，尤其酒席好貴……因為我有朋友就黎結婚，佢講起盤數我都覺得幾無奈……2 萬當玩基金 3 年，10% 回報一年，都只是變成 $26,620，距離 10 萬仲有 74.x% 左右。又假設你每月同未婚妻 / 夫，每月都合共儲 $2,000 的話，又當儲 3 年，10% 年回報的話，大概有 $84,260.01。加埋原本的錢，就岩岩夠又多少少。但是，這假設 3 年內，每年要賺 10% 。06 年的話，好多基金、股票升到好勵害，買隻激 d 的基金，一年的回報都有 6x%。但依家個市，都去到牛市中期，有人話係 3 期添，升跌很反覆，投資者勁樂觀，之前 IPO 大熱，依家就連阿嬸師奶學生都去買股票。唔知熊市幾時黎，但 2~3 年內發生一 d 都唔出奇……我諗就算你買基金，選擇的時候都要花心思……要選擇一些與大市相關性低 (Beta 值低) 的基金，一些防守性基金，慢慢計數才諗。
始終「基金價格可升可跌……」嘛。所以，不要期望基金一定有高回報，因為今年不及上年咁勁，但今年 07 年有 d 地方的基金仲有得執……睇下點買……
2~3 年的話，如果要「變現能力」高的話，建議買股票、做定期。因為基金的回報不及股票多，主要是用複式滾存的效果，所以適合中線、長線投資。2~3 比較短，但都有選擇……短又靈活的話，建議去銀行、或者直接同基金公司買就最好。
銀行就 $10,000 一隻、或者是月供 $1,000 一隻。有一些要玩至少 10 個月到，不過基金玩 1~2 年的話，回報滾得不太多，當一年 10% 回報，3 年後都係多少少錢，但起碼叫做都好過放定期。收費好似是永隆最平，細節我就無詳細研究……
閣下可以自行去銀行留意下就得。不過 once 買了銀行的基金，就唔建議經常轉。因為轉得太多的話，收費會 cover 哂你的回報。因為有一些收費是 3~5%，一年賺了 10% 的話，扣一扣 5% 就暈了……
保險的計劃，通常頭 2 年放的錢，會有 70% 作為收費。之後就較少收費，所以唔駛諗。
IFA (獨立理財顧問) 果 d 基金計劃。月供的話，除了 2 間公司規定頭 3~4 個月錢 (要期滿先囉得，年期就是 5~30 年)，大部份都是頭年半的錢要期滿先囉得。一筆過的話，2 萬可以開波，為期 5 年，如果未夠 5 年就要囉哂所有錢的話，睇返第幾年，大概會收 1~8% 的 exit fee。如果好似上年賺得勁多的話，有 d 基金去到 5x~6x%，無左 2~3% 不算是什麼。
基金是投資者比錢比基金公司去投資。咁人地幫人投資，當然是為了賺錢，不能白白賺錢，是沒有免費午餐的，所以無可避免一定有收費。只在乎多定少……除非買股票有消息，例如買隻 530 廣益國際，執返唔少錢就另計。不過，股票市場，都幾難玩，要做好多功課……

永隆銀行, 首次認購費 only 1.8% .
工銀亞洲, 首次認購費 only 1.98% .
恆生銀行, 首次認購費 only 2.0% .

(有心就快手, all these 優惠到3月底).

可以去銀行買投資基金，只要一通知，在一個月內就會給回你應有的資金，希望可以幫到你。