浸會皮膚科激光除疣 $3200一粒是否﹙略水﹚？

我諗就係貴在 ' 激光' 兩個字囉.

如果你唔係咁急, 可先睇政府門診, 叫醫生寫介紹信, 排期去社會衞生科(即皮膚科)做冷涷 (但可能要半年至一年). 而你開咗個file之後, 會定期覆診, 下次你 (大吉利是) 又生疣, 覆疹時順便話埋俾醫生聽, 佢哋就會即日幫你做埋冷涷.

身體不好會較易感染疣, 好多時會生開就生, 可能隔兩三年再喺手腳或其他位置發現, 建議你喺專科開個file, 方便好多.

但如果你很心急, 想除之而後快, 搵皮膚科醫生立即幫你搞掂. 我幫診過一個, 係朋友介紹的:

何兆麟醫生, 喺旺角中心, 電話: 23929368. 費用 $500 有找.

(因為我當時喺嘴唇角生了粒疣, 那位置由於皮膚很薄及充滿血管, 做冷涷會很痛, 所以, 那次我沒有在專科診所做, 改為搵何醫生. 他為我做電療, 成粒幫我起咗出來, 仲無咁痛添.

你可以考慮吓各種方法. 至於甚麼 ' 激光除疣 ', 個名就好聽, 但效果相差不大, 勸你不如儉返啲錢好過啦.

.

2007-03-26 19:06:49 補充：
佢個名應該係: 何沛麟醫生, 地址係 : 旺角中心 1 座 706室. 電話同上. (我入錯咗個名落手電都唔知, 抱歉哂 !! )如果真係你講嗰位, 你可以考慮搵過其他醫生啦. (因為我無買保險, 所以唔知收費會有分別的) . 我本身就覺得佢無問題, 做手術乾淨俐落. (但年紀可能大些, 50- 60 歲).或者, 你考慮吓呢位吖 : 區德成皮膚科專科醫生 (即係在蘋果日報寫專欄的區樂民), 地址: 旺角中心 1 座 922 室. 電話 : 23926006我有睇過佢, 但唔係睇疣. 我覺得佢係位好醫生, 仲係基督徒添. 希望你盡早解決困擾你的問題啦.

2007-03-26 20:10:21 補充：
脫疣係一個很普遍及簡單的手術呀, 你唔使咁擔心架. 但記住細細粒, 就快些脫咗佢. 大粒先脫, 可能有疤架.我教你一個方法: 你搵私家脫疣之前. 先睇政府門診轉介你去政府皮膚科先. 你book 咗期後, 先去私家脫疣. 到你真係夠期睇政府皮膚科, 咪話俾佢聽你見粒疣太大粒, 唔舒服, 搵私家割咗啦 (咁係事實嚟架馬), 或者大吉利事剛剛生咗粒新疣, 咁你就可以順理成章割埋. 喺皮膚科開咗個 file, 以後就方便好多啦. 始終睇私家都係貴, 手手腳腳生疣, 去政府就得啦 !

2007-03-27 15:12:12 補充：
Hi hugohoho2005,我今日幫你致電區醫生診所, 姑娘表示醫生會視乎情況替你做冷涷或電灼. 詳情(例如收費)請你直接致電詢問姑娘吧 (我幫你大約問過, 但恐怕轉述有誤). 他逄星期 二, 四, 六 在旺角中心應診. 至於星期一, 三, 五在中環應診.九龍電話 : 23926006 / 23932033香港電話 : 28100680 / 82001201希望幫到你啦 !.

2007-03-28 14:12:26 補充：
Hi hugohoho2005, By the way, 你可以吿訴我何沛麟是你所說的那位咁無品德的醫生嗎 ? 呢位醫生係我同事介紹的. 她本人很漂亮及白淨, 但面上 (10年前) 卻長有大大小小很多粒墨, 有突出及平面的共20多粒. 何醫生為她分別做激光及切割手術全部除去 (當時手術費約千多元), 她的面乾淨哂, 更看不到甚麼明顯的疤痕, 更加漂亮了.而他為我診症時, 及做小手術前, 他會很詳細向我解釋. 我覺得他態度好, 有經驗, 收費又合理. 請你替我澄清是否此人, 好等我得個知字, 知道人的另一面..

Saturday,手術前 nurse 叫簽同意書，明白手術過程和風險，我說 not so clear，她call Dr.，他說：怎樣做？﹙很大聲﹚咪一般手術咁做 law，你想點做呀？咁simple 都要問。在他眼中，可能真的是小手術，但我第一次入院，硬係有D驚。小手術 — 但佢每天來check兩次，(每次$850)看看傷口唔夠2mins，保險sales說同纇手術住2days,但佢要我住了4days，傷口一直無問題。So, 出院$2xxxxx over budget.算我唔好彩，我唔敢再找他，所以才到浸會。
再一次多謝你，你好好人呀！

肯定啦!你去得浸會唔略你