將於10/4 到BKK, 會有一個6歲小朋友同行

1. Arnoma好過Grand Diamond, 因為Arnoma就腳好多,
　　．去BTS又近
　　．裝修雖舊，但仍新過Grand Diamond，听說Arnoma近來還進行局部翻新！
　　．非常就腳，隔離就係Big-C, 再行前兩條街就係Super-Rich(兌換率最高的錢莊！），對面就係Central World
　　．還有Grand Diamond傳聞有ｄ．．．，當然行得正企得正，這點不用考慮

2. 好多地方都o岩小朋友
Children's Mesuem: 在JJ Market旁邊, 一般的士司機都知道, 讓酒店的Bell boy幫你告訴司機就ok, 我的兒子玩到唔想走(玩了4小時)! 可以留一個大人陪小孩, 其他大人到JJ Market。簡直係絕配 :-D

Big-C: 頂樓的小型遊樂場雖然不大, 但足夠讓小孩玩1--2小時, 留一個大人看守, 其他人可以在Big-C盡情購物。

Siam Ocean World: 在Siam Paragon內, 未必好玩過海洋公園, 但亦可以領小時友快樂地玩/睇1--2小時, 可以一個大人陪同, 其他大人可以去shopping。

Farm Chokchai : 比較冷門, 因為唔係咁多人識去, 可以叫酒店的Bell boy同的士司機講, 又或者book車去, 係一個好有趣的牧場, 有表演, 有擠牛奶示範, 亦可自己試, 有牛奶雪糕制作示範, 有新鮮牛扒食, 有得餵動物, 家庭樂的好地方。

Safari World: 開放式的野生動物園, 可以乘的士或包車去, 車可以直接駛入猛獸區, 另外一天還有6個精彩的表演, 值得一去, 家庭樂最o岩, 我個仔6歲, 都好鍾意呢度。

Dream World: 未去過的值得一去, 機動遊戲一般, 但樂園好有歡樂氣氛, 尤其是裡面的飄雪樂園, 我個仔玩到唔想走!

還有一些水上樂園, 但因為比較舊, 所以唔介紹了。


3. 食方面, 曼谷有大量的美食,除地道的泰式食物外, 還有越式、日式、法式和意大利,下面介紹幾個比較易找的:

　　各大商場的food court就有中等水平但價錢平宜的食物, 而且好多都好有特色;

　　Intercontinental Hotel的新大黑日本料理, 五星級酒店的日本食物, 但100--200港幣就食到飽晒;

　　唐人街的T&K海鮮亦是多數香港自由行必食之一, 唐人街的街頭小食亦是一絕, 還有阿綠粿雜, 及佢旁邊的糖水檔都好正, 海外天魚翅亦是不錯之選。

　　自助餐: 首推 Grand Hyatt Dinner Buffet, 保證物超所值, 而且又係四面佛附近(big-c一帶)午餐的話 Lord Jim's Lunch Buffet (在東方酒店內http://www.mandarinoriental.com/hotel/510000237.asp)
天婦羅, 鵝奸, 各種海鮮等, 加埋無敵海景，1000B + 17.7 tax & service charge

　　水門區的海南雞飯：在Arnoma向Big-C方向行５分鐘，過了“李海泉海鮮”再過一條小小的橋，就到達一個大街口，右手邊就有三間，最近的一間有炭火串燒及海南雞飯，串燒及奶茶值得一試，雞飯一般，再前進２分鐘，第二檔是粉紅色制服的，這檔算不錯，再前進３分鐘，中間會經過一檔芒果糯米飯，相當不錯，第三檔在街邊的，要夜晚才開，藍色制服，雞飯及炸雞都很好，可以指定要雞腿，都係好便宜。

　　其他餐廳我不敢隨便推薦, 因你是帶住小孩去找會比較辛苦, 即使寫地址給你, 萬一找不到, 反而白白浪費了時間, 而上面列出的都是最容易找到的。

４．SPA：對不起，我們不愛做SPA,所以幫不了你，但可以推薦一些資料給你
http://www.thailandfans.com/forum/viewforum.php?f=10&sid=c0494915c13160f90c403fbf7254a24b
這裡應該可以找到你想要的資料。

1.兩間都不是新酒店,arnoma比較近bts,房冇grand Diamond今大, grand Diamond在水門區 房大可以住apartment 出入多數要坐的士,不近bts,如果你會出入都坐的士就冇所為,
2.一定是dream world ,你可以包的士去,
3.日本,意大利菜都比香港平,如果住grand Diamond一定要吃海南雞,好吃
4.let's relex around 400 hong kong dollar已經好正
你一定要看看以下的網址,好有用的,仲有好人會比資料你的,我自己去bbk都一定會在找料

http://www.thailandfans.com/forum/index.php?sid=bc327e0638a908939c20a52c74d7b8b9