我兔兔隻對腳仔T^T....

我估你睇開個獸醫唔係好得, 見議你帶兔兔去動物醫院e.g.大圍積信街珍禽異獸動物醫院, 動物醫院有專業睇兔兔嘅醫生, 兔兔會好得快D.
我隻兔兔都試過用咗木板同埋格仔板無耐就生腳瘡, 我帶兔兔去珍禽異獸動物醫院, 醫生話其實木板同埋格仔板對兔兔來講都係太硬, 就算鋪埋草都唔適合, 佢叫我買張毛毛墊俾兔兔($100一張), 兔兔踩上去會舒服好多, 毛毛墊污糟咗可以洗, 涼乾後可以再用, 如果唔想買毛毛墊, 可以鋪厚毛巾俾兔兔踩, 我就買咗毛毛墊, 之後兔兔真係無再生腳瘡, 而且指甲都健康咗好多. 不過毛毛墊對兔兔來講其實比較熱, 所以天氣凍時, 佢地會好鍾意瞓喺毛毛墊上面, 但天氣熱時, 佢地就會唔鍾意張墊, 所以要用其他野代替e.g.毛巾.
你帶兔兔去動物醫院啦, 醫生會幫你睇下兔兔係咪太肥同埋唔健康, 佢地會教你點樣幫兔兔改善身體.
仲有, 木槺真係唔係咁好, 唔吸水又大塵, 如果你要用, 每日最少要換兩次, 不如用紙砂啦, 吸水好D, 又無咩塵.

呢d係腳瘡呀
好多兔兔都有架~~
你係睇邊個獸醫呢?
搵個有經驗既獸醫睇下都好緊要架~~
可以試下大圍既dr tiger或者九龍城既dr betty呀

請問佢係用闊條長方形格既豬仔板定係幼條正方形格既板呢?
豬仔板比格仔板好d架~~

兔兔係咪唔識去廁所?
如果係就唔好用木糠
用紙砂或者木粒啦
冇咁大塵
對兔兔同人都好d~~

試下俾佢走動多d啦
咁都會有幫助架

同埋佢平日食咩架?
食物方面可以諗下俾少d零食同糧
可以減輕下體重咁啦

你可以試吓環保貓砂.