想錫女朋友

你係咪想知ｇｏｏｄｂｙｅ　ｋｉｓｓ要點呢~?
你係咪第一次拍拖呢?(問下姐..)好啦~過兩招比你啦~
我個fd係女仔黎既~而佢就同我分享個咁既經歷~
佢同佢男朋友一齊左冇耐~大約4~5日啦~
咁有一日佢同佢男朋友出街~佢男朋友走之前就問個女仔~
我可唔可以錫你呀......?你估下個女仔咩反應...?
個女仔就比塊面個男仔錫~但係個女仔事後就有d不滿...
所以就同我傾計喇~個女仔話比我知~我做得佢女朋友~佢錫下我好正常姐~
佢仲要問我wo~搞錯呀...唉...突然間覺得佢冇乜男人味tim...
成個細路仔咁...唔通話唔比佢錫咩...佢咁問搞到果時我都唔知點好...
話唔比佢錫又唔係~點頭話比佢錫又唔知點咁...好怪家嘛~好似我做主動咁...
佢又話~可能因為佢讀男校啦~~第一次拍拖~冇經驗~又怕羞......
最後佢地好似一齊左個幾月就散左喇~
當然唔係個個女仔都係咁啦~只係我比個例子你睇~
所以我覺得~唔好問完佢先錫喇~如果佢話唔比你錫呢?
咁你點丫?唔通你真係唔錫咩?佢話唔比既話你又hurt~又唔好受~
而且女人又係口不對心既人~口話唔好但係又想你錫佢wo~
咁你錫定唔錫丫?到時你錫又唔係~唔錫又唔係...真係頭都爆架~
所以唔問就係最好~係大家你眼望我眼果時~就錫一淡~錫邊都冇所謂~
跟住就講下d野囉~例如88呀~早d訓呀~我返到去打比你呀~果d呢~
氣氛就會冇咁怪架喇~仲有就係~無啦啦錫佢一淡~比個驚喜佢都好呀~
或者仲有第二個做法~就係同佢講錫錫~跟住申長個咀~~
佢通常都會錫落黎架~~哈哈~~經驗之談~
試下我d方法啦~~嘻嘻~~~~~

其實多數自然鍚會好d....
你同佢講反而冇咁好..
佢會驚....
同埋你咁樣只會俾個機會佢拒絕你(如果佢怕醜)...
佢拒絕左你一次之後你都會驚懦...
唔敢鍚佢啦~~
如果你講左佢唔俾o既話你有排都鍚唔到佢!!!

其實錫人都有好多種方法架....
每一種鍚法都有唔同既意思架...
你女朋友咁怕醜呀..
咁我覺得在你同佢一齊個陣你輕輕咁溫柔地拖住佢隻手
然後再送上一個吻俾佢...等佢接受下..."

臨走時偷偷地錫佢

睇情況啦~如果個女仔好怕羞既就梗係要問過先啦~
佢唔俾既就唔好勉強~
但係o係臨走前錫就會比較霖d~
錫完可以即刻走~無甘尷介~

咁攪笑既你...
睇情況架owr...
當你地四目交投, 而環境又有, 好自然就會鍚
如果你女朋友比較怕羞,就唔好問,主動鍚佢(溫柔)
又或者你覺得佢好靚...
同佢講...我突然好想鍚你...咁就鍚落去...
我諗佢都唔會拒絕既^^