✔ 最佳答案
其實你自己都知道問題出係邊一度,就係你內向,少出聲.
你亦都知道解決方法係點,即係主動d,出下聲.
但係你又唔肯去試喎......
其實我都明白,如果自己怕人地拒絕,唔敢做主動都好正常.
況且本身冇緣,唔熟,夾硬要去同人做朋友,都好奇怪下.
其實我覺得友誼要不知不覺建立出來,先至係真友情.
當然都要做下主動,同人打第一次招呼啦.
人夾人緣,岩傾就自然好易熟絡,唔岩咀型就半句都嫌多啦.
其實朋友定義個個唔同,
你真係一個朋友都冇,定係自己要求高,覺得冇知己交心?
如果只係搵普通朋友一齊玩下,傾下計都唔難.
只要搵到共同話題,一齊傾下都好易玩到落去.
人地都唔會理咁多熟唔熟,岩傾就一齊講啦.
而且你一定要有d自信心,唔好成日驚呢樣果樣,
因為你唔係想做獨行俠,唔想咁孤獨,
你心入面既然寂寞,想有朋友,就要打開自己個心窗!
最好識朋友就係於學校裡面啦,因為日對夜對,冇個伴係學校都會悶.
但係如果你班同學已有各自小圈子,你都難插入,咁唔好同人結怨,做好自己就可以.
識額外朋友,可以參加出面d活動,營呀等等,咁個個都係新相識,可以重新開始.
或者網友,筆友啦,如果冇識左衰人,佢地一定樂意同你傾!
你唔好一諗就想要一個推心置腹既好朋友,因為人生得一知己死而無憾,你就知唔容易啦.
我自己都唔好多朋友,但係大家可以一齊傾下玩下就算架啦.
其實有時自己一個人都好開心.
最後,希望你交到朋友啦!