英航飛機餐的問題

1. 2餐+小食. 飛機飛定左之後會發花生同飲品. 過左一陣會發"晚餐" (宵夜).
之後機倉就會關燈比乘客目訓ge 去目訓, 睇戲ge 睇戲, 玩psp ge 玩psp.
等到第2朝飛機飛左大半路程ge時候開燈, 發早餐.
每餐食完之後仲有咖啡/紅茶/茉莉茶飲.

實質上左飛機之後幾多個鐘會開飯我真係唔知, sorry.
我一向唔顧時間ge...>_<
時間方面樓上Walter Chan 講果個比較可信
不過如果飛機係夜晚11點半起機的話, 你食得晚餐果時都差唔多成點鐘啦.
上機之前食定小小野先啦
餐的話原則上係一人一份, 不過如果你一份餐唔夠飽而空姐分完餐之後仲有剩的話你可以問空姐拎多份

經濟倉的話, 選擇多數有牛同雞兩種
如果你唔食肉的話, online check in 果時可以book 定vegetarian meal. 小朋友的話可以捒兒童餐.
如果你冇提早book 訂special diet 的話, 可以試下運氣, 問下空姐有冇spare ge vegetarian meal.

2.
以ba經濟倉為例
關燈之後, 機尾同經濟倉中間(wc, 緊急出口同走廊果個位) 會有零食箱同凍水+橙汁比你任拎, 零食箱入面會有m&m, 蜜泥沙, mars bar, shortbread, 消化餅, cereal bar等等, 好似仲有jeffa cake 添. 記得以前同空姐 姐姐吹水ge時候佢地話如果零食箱入面d 野食唔完的話係會全部扔曬ge, 所以佢地叫我隨便食, 食唔曬打包都仲得XD

如果你想要熱野飲, 其他凍野飲, 杯麵或者分剩ge 飛機餐的話就要問空姐要.
BA 英國-香港線一定有杯麵食, 味道的話就一定會係雞味. 不過就唔一定會係香港合味道杯麵, 佢有可能會比鬼佬難食杯麵你GE, LEE 個就睇你好唔好彩, 要睇你班機上面係有咩野牌子ge麵啦.
放心 英航飛香港條線最少會有兩個識講廣東話ge 空姐. 旺季的話經濟倉d 空姐空少會有最少一半係識講廣東話ge. 用廣東話問就ok. 如果咁好彩廣東話空姐唔係道的話.... 就要用英文gar 啦

3
> 起機前會有免費報紙拎, 香港->倫敦的話有星島, 東方, 大公報(=_=), SCMP, (先到先得)倫敦->香港的話好似拎過一次唔記得左係independent 定times 咁大把
鼓勵入左閘之後係閘入面ge 書店買定八婆雜誌, 0係入面買同閘外面買一樣價錢ge, 所以唔洗拎住一堆八婆雜誌過關:p

> 不停repeat ge個人電視(可以轉台不過唔可以好似維珍電視咁果d 可以自己鐘意幾時開始就開始)

> 飛機電台 (除左英文歌同古典音樂之外, 好似有一個播有過期中文流行歌ge. 太耐冇坐過ba 唔知佢有冇update 過d 歌)

> 仲有d咩野服務.... 零食任食算唔算?

1) 2餐... 起飛後2個鐘左右食第一餐... 之後到之前2個鐘再有多一餐... 以英航黎講,第一餐係晚餐(宵夜)同第二餐會係早餐... 而中間會有D空姐來回攞小食/飲品...
2) 如果冇記錯... 英航係有公仔麵... 而大部份時間,係個galley裹面係會放咗好多小食/嘢飲,你可以自己去攞... 小食就主要係三文治,小包零食等等... 飲品就多數都係果汁,水... 但係如果係想要公仔麵同其他嘢飲(例如酒精飲品/氣水等),你可以同個空姐講... 佢哋都會help你同你攞... 而英航所以住返香港嘅航班都係有香港人空姐... 所以問題唔係太大...
3) 英航每一個坐位都有個人電視... 其他都冇咩特別... 因為英航D服務都係禁上下... 馬馬虎虎... 無咩特別... 比起國泰/維珍係比較差小小... 但係都OK啦... 不過不失啦...