請問最快深水埔去粉嶺火車站72快定86？

你講幾架車都去唔到粉嶺火車站架
你可以去嘉頓對對座上水紅van,車多又快,經粉嶺圍迴旋處,行五分鐘就可以上番火車站
半個鐘車程左右啦

2007-03-25 17:39:42 補充：
就係粉嶺地方法院個果啦,全日都咁多車,放心啦,果度又係總站,一定上到車,啲車好密架

上面介紹嘅係全巴士組合嘅方法，不過班次勁疏，73A 更要 18-25分鐘一班，等幾耐真係要睇彩數。
嘉頓小巴站有紅色小巴往上水，小巴一定多，但等客耐唔耐真係唔知，因為一般朝早唔係太多人o係深水土步去上水。如果司機要等滿客先開真係可能等好耐。如果搭呢架車，記住同司機講o係「祥華村」落車，落車後行入屋村一直向前行，穿過屋村過馬路就係粉嶺火車站，步行約7分鐘。
既然你識得嘉頓小巴站，不如你沿住大埔道向旺角方向行，到北河街附近（大埔道65號）搭九巴72/81到新城市廣場落車，然後上番沙田火車站轉火車去粉嶺，呢個方法最大好處係直接去到你嘅目的地，同埋81嘅車比較多。

有一個方法可到粉嶺火車站附近，如下:
72轉73A
轉車地點: 大埔墟廣福道(位置:廣福道近中旅社)
車資方面:
兩程車程如是非空調巴士，共需繳付:$9.9
兩程車程如是空調巴士&非空調巴士，共需繳付:$11.9
兩程車程如是非空調巴士&空調巴士，共需繳付:$11.1
兩程車程如是空調巴士，共需繳付:$13.1
下車地點:欣盛苑(因網上的資料顯示最近的下車地點是欣盛苑，需步行五至十分鐘才能到粉嶺火車站。)
需時多久:1小時35分鐘(72A+73A)
侯車時間共:50分鐘(72A+73A)