假設專長和興趣不是一樣,人應該向自己的專長或興趣發展呢?

收到版主回信，告知閣下對上一次的最佳回答感到不滿。
因此，現把本人上一次的回答重新列出。

人應該向自己的專長或興趣發展呢?
個人認為，要考慮向自己的專長或興趣發展的大前提，就係邊一樣可以幫自己搵到食。
點解咁講? 因為你有權發展的o既專長 / 興趣，但你個專長 / 興趣可否幫到你搵到工，可否令你三餐溫飽，令你有能力養家活口係一個好好好大的問題。 (除非仔本身家財萬貫，又或者係【二世祖】 (唔好介意.....x_x) 的話，咁就一定冇問題。)
因為你要記性，lee度係香港。
而家先講講【興趣】：
舉個例，你興趣係畫畫的話，係國內o既話，你可以係大學內主修藝術，之後畢業，加入國營企業，幾幸福。
但係係香港，除非你可以做到世界級畫家，否則一個可以搵到食的【普通】畫家有幾多? 十隻手指可以數得晒。而且係香港，除非你o既創意同畫功係爆晒燈，咁都仲可以入一d同廣告 / 設計 / 創作有關o既公司，但如果你o既專長，係社會上比較下，只係半桶水的話，咁sorry了，你繼續努力啦。

雖然樓上有人提議【跳舞】，的確dancer係可以搵到食 (因為香港係娛樂事業發展蓬勃)，而且夠靚仔 / 女的甚至可以做明星，但係香港lee d 商業社會，lee d 例子真係絕無僅有。

之後到專長：
早排，電視台有一個節目【咁樣認第一】，其中一集講泰國有一個【丫差】奇人，百發百中。但諗真一層，如果lee人出生係香港的話，成為【丫差世界第一】可唔可以搵到食?? 唔係唔可以，但我左諗右諗，我都只係諗到而【丫差世界第一】之名作世界演出 (但老實講，丫差射得準並唔係d咩咁神奇事)。
但係係泰國，佢居住係一條小村莊內，就可以單靠種田 / 畜牧黎生活，仲可以一邊種田，一邊練習。

SEE?
發展專長先定興趣先，係冇一定答案，因為你自己o既專長同興趣係香港用唔著o既話，就等同廢物。

基於以上果個例子，我至會一開始就叫hkqql 兄唔好用台灣奇摩o既答案，因為國家不同，風俗不同。

所以，結論係以下 (好簡短)：
假設專長和興趣不是一樣，人應該向自己的專長或興趣發展呢?
答案：就先睇邊一樣可以幫自己搵到食。
如果係興趣可以搵到食的話，就發展興趣，如果唔係，就要發展專長。
如果兩樣都搵唔到食??
咁唯有兩樣都放棄，做一個冇夢想o既香港人了。

註：如發問者是會透過問題多多的投票制度來選出最佳回答，請先告知在下，好讓在下把問題移除。
畢竟閣下是發問者，有責任自行選出答案 (所謂的有始有終)。如果閣下堅持要用投票制度來選出，除了是侮辱了本人的回答，也是侮辱了閣下自己!!!!

2007-03-24 10:59:49 補充：
發問者已告知，上一次是因為未能抽出選出回答而令問題自動進入投票模式。原來是一場誤會，在此請發問者原諒小的上面的偏激言論。

感謝既富創意又用心的分享, 獲益良多, 十分精采!