想知套票詳情~

我睇你而家已經開始留意機票酒店價錢, 做定功課好事黎架, 因為你可以比較到唔同時段訂票價錢都有分別架o

如果你想响旅行社訂套票, 而家實在太早喇, 基本上你最好等到復活節假期後問就最好, 因為而家啲旅行社主要有復活節個期, 未有咁快提供到假期後o既價錢o

至於自己訂機票同酒店, 我去咗幾次都係自己訂機票同酒店o一般淡季o既話早一個月訂都ok, 不過你可以周不時上網格吓價, 分分鐘咁啱俾你搵到啲時間又好, 又平o既機票呢!!
我通常都會去呢幾個網訂機票酒店:
www.zuji.com.hk
www.priceline.com.hk(呢兩個網係最多人用同埋最安全o既機票網)
www.hoteltw.com (萬福旅行社有廿幾年歷史, 幾乎全部飯店都有得訂, 平貴都有)
www.hostelworld.com (呢個全球網係可以租用平價旅館,百零蚊一晚/每人, 仲有住客評分添)

你更加可以直接登入國泰旟下o既國泰假期同港龍假期, 淡季時佢哋經常有平假期機票提供, 千三蚊到可以搭到國泰, 真係好抵!!

我去四次台北有三次搭華航, 其實而家華航換咗好多新機, 上年我搭回程機時, o個架A380空中巴士真係好新好靚, 我搭過咁多次真係唔覺得有問題囉, 食物就梗係無港龍,國泰咁正喇!! 我又試過前年十一月同我妹用$1088買到港龍早去晚返機票, 計埋稅千六蚊都唔駛o時間同你一樣,都係8:15分機, 夜晚11點幾先番, 玩盡五日(我喺zuji訂)o

飯店o既話, 我建議你趁早訂定長虹大飯店, 佢$520一晚一間三人房, 每人除番都係百幾蚊一晚, 同hostel差唔多, 但係方便好多, 行三分鐘就到西門捷運站, 我下禮拜去, 又係三個人, 早成個月前去問萬福, 但係佢都話長虹爆晒, 長虹至多香港人住, 所以大家有個照應都好呀!

我唔清楚五月有無活動啊, 應該唔怕o既, 點貴都唔及得大時大節貴啦, 我復活節去四日都只係$2860, 你五月去肯定平多幾百啦....

我4月1日都會同老公去台北玩4日3夜，我o地都係o係旅行社買package，搭長榮同埋住一晚天籟兩晚萬事達連稅Total : $2870一個人。如你們不住溫泉酒店價錢會平D，不過都不會去到$2000。你三個人去其實可以二個人買package一個淨買來回機票，酒店可加床三個人一間房，這樣應該會平D。買package最好去旅行社會安全D，買機票就可一些專買機票既旅行社會平D，但就要夾飛機時間。我係book新華旅行社(荃灣)，負責o個位何生好好人，幫我計到最平。我而家住既酒店都係佢介紹，天籟係台灣是數一數二好既溫泉酒店，而萬事達又係一間新既酒店，開o左二年左右。我看過很多旅行社既Package平均價錢都係$1799-1999住3星酒店，稅+燃油$470-480，淨機票約$1500再+稅同燃油。你可以考慮o下新華, 康泰同關鍵。

就你所講的,如果1)那晚到了不入住酒店,可否不訂酒店,我想要問旅行社才可。
就我自己到過台灣好幾次都是坐中華的,之所以其他人不敢坐,是因為他們都說中華的機師是台灣的戰鬥機機師來的,所以才會覺得比較危險。但試想一下,機師大多只是控制飛機起飛及降落那一刻而已,到了半空是電腦自動導航,所以你又覺得危險性有多高呢?
港龍的話,我想要$2000以上吧。價錢的問題一定要在網上或雜誌才可正確得知,如果你要到比較小型的旅行社買package,你可以價錢好像差很多的時候,你又會否覺得保障呢?
關於酒店方面的資料,你可在yahoo找萬福旅行社,其當中有一個酒店網的,你可在那網頁上看看那些酒店的資料及價錢。
其實一般你在旅行社找資料的時候,所給你看的那個價錢就是雙人房價錢,至於你有3個人去,應該是要加床吧。那些資料上會有一項寫著加床的價錢的。
至於行李,你到酒店後可跟櫃台說一聲問可否放在大堂,他會有人幫你們看一下行李吧。因為我試過有一次是2天台北2天台中再2天台北這樣住,我跟朋友到台中時也是跟櫃台說我們兩天後會再回來住酒店,他也給我們放在酒店內,但重要物品一定要隨身攜帶。
希望幫到你的忙啦!!