✔ 最佳答案
基本上咁樣睇你咁講 ,一開始就唔應該同居 ,你都出黎做野啦 ~都會咁豬做出同居既事 ....?
其實冇話要做d 咩去氹返佢既 ,大家都係成年人 ,有咩事咪平心靜氣咁講囉 ....(可以買花送俾佢 ,跟住就開始個話題 .) 一係就分配好晒 d 家務去囉 ,例如一三五就你做 ,二四六就佢做 ,星期日就兩個都唔使做 .咁樣你話幾好呢 ~~~
不過我覺得你已經好遷就佢喇 ..... 不個每個女仔都會有 【小姐脾氣】既 ,你咪再就一就佢囉 ,不過只怕佢愈黎愈過份姐 .....
又或者 ,最嚴重都係唔一齊住 ,又有可能係分手 .... 一齊住 ,就要包容對方既缺點 ,如果有一方做唔到既話 ,咁就唯有 bye bye ~~~~
2007-03-23 18:49:30 補充：
真係衰 D 講句 ,氹返又點 .... ?佢都係一路係咁....不過睇得出你唔想冇左呢段愛情 .氹人來來去去都係個幾樣架啦 !買花、買小禮物(戒指最冧架喇)、整下燭光 DINNER 、焗個CAKE、DIY 禮物、道歉卡 / 信..... (暫時諗到咁多...)
係度讚下你先,你真係一位好男人, 又煮飯, 又洗衫, 又做家務, 而家好少呢類男仔咁底得諗啦！你女友真係唔識寶, 有個寶物跟住自己佢都唔識得珍惜。
你女友成日出左去玩,我相信係佢識左某一類人, 叫佢去這去那, 你女友重讀緊書, 會唔會太細, 唔識諗呢！咁細就同你同居,
1] 你問佢知唔知道她同居是什麼意思嗎？
2] 她的學業成日出外玩,有沒有影響到她的成績呢？她是不是讀緊大學，如果係她可能應付到呢？
你和她同居可能她當你係踏腳石, 唔係我咁樣話佢,我係覺得佢係咁樣利用你。
3] 你們只係相識一年,就玩同居, 了解清楚了沒有？
你要了解佢係需要D咩, 佢想離開屋企人而同你同居, 係唔係佢想自由,唔想比屋企人束縛住佢,佢真係好想同居又當別論。
4] 你們同居已有一年, 大家訓埋一張床, 發夢唔通各有各發，？
在你們同居的同時, 有沒有雙方說明日后住埋一齊, 各自負責當起家中的大小事務, 大家如果有共同的目標, 又可以分擔家中事情,同居亦都可以話你地大家已經當係結左婚，只係欠左一張結婚証書, 男人同女人住埋一間屋,實際上都已經變成家庭主婦, 而你剛好相反, 男友變成(主婦)呢個名稱係用在你身上，女友變成丈夫，唔係叫你唔好千就佢, 而係要適可而止，你呵番佢,佢下次又係咁,我想問你,你要就到佢幾時, 人係有忍耐力,就算你成世咁遷就佢,佢都會覺得你唔岩, 你唔著...
係度再同你講多一次, 而家未結婚就話遷就, 你要同佢結婚真係要三思，就算佢同你講話會改變, 其實死個日佢既性格都係冇得改既, 唔好比我批中。
5] 有時唔一定係開口說話既, 你咪用SMS 打比佢囉, 打字勝過用口說出黎, 咁樣大家容易落台嘛
6] 佢唔出聲同你傾計, 佢係度抗議緊你咁樣對佢？
你咪試下佢囉, 你在係咁,係唔係我地唔夾, 不如我地分開一段時間,睇下大家會唔會係因為為左D乜野,攪到你對呢頭家,不聞不問咁，你試下啦, 你用MSN 打比佢,你睇佢有咩反應，如果佢反應其佳,你咪食住上囉！
祝你好運拉,,,
參考: 心
你覺唔覺得你已經有d過份呢@.@??
過份縱容="=!!
咩都唔做...仲要發脾氣，
你而家仲要問我地點樣氹返=口=!?
你以後真係會死架啦~~
你其實係好愛佢既係@.@??
愛到連自己過份左都唔知=口=!?
愛唔應該係你就晒佢架，
都要佢了解你既感受架。
你一味咁接受，
佢唔會知道自己有錯架。
每次錯左都係你氹佢...
佢更加認為自己係岩架啦!!
如果係我...我會唔理佢囉~~
淨係執自己d野，
飯都可以煮埋佢既，
等佢知道自己錯嘛=口=!!
不過你咁愛佢，應該唔會做到既...
你都係諗下自己有咩辦法氹佢啦!!
既然你只想氹返佢先好易啫, 你同佢出多啲街, 盡量唔在你們的屋企內, 原因是兩個人在屋內, 你見到啲東西亂就會眼火爆, 好以影響你的心情, 所以盡量出街氹吓佢, 好似你們未搬出來住的時候咁, ok. 我相信你好快就可以好返, 但之後你要諗吓同佢的問題, 你解答到的話就可以決定她是否可以和你生活
1) 個屋企是你自己的, 所以屋企的整齊是以你自己角度為準則, 你的角度接受唔到不代表他人接受不到? 例 : 你小便時, 有滴尿在厠邊, 你唔mind, 但可能其他人會覺得好難定一樣.
2) 點解要管她讀唔讀書呢, 她考試成績好定唔好, 我相信你幫唔度佢考試掛? 再者, 佢唔讀書並不代表她要為你做家務. 例 :你返工唔做嘢, 要同事幫你做, 你估你同事會唔會日日都幫你做, 而你又可以繼續出糧呢?
3) 煮飯問題, 唔想煮咪返阿媽度或出街食, 如你女友肚餓但唔食嘢, 你話你會唔會因為她唔食嘢而會肚餓呢?
間屋是你的, 如果你應為佢會影響度你的生活, 你可以叫佢走但仍可和她拍拖, 兩個人在一起, 首先要懂得照顧自己才可適應和別人一起生活. 再者, 拍拖唔好諗住要改變別人, 因為你自己都唔希望別人想改變你自己, 要是改變咗之後, 同你拍拖的人而不是從前你愛的人了
你們兩個都問題, 點解吓吓要依賴對方做嘢呢? 不如各自回家住咪可以唔洗叫對方做囉, 因為你們各有個好媽媽幫你們做?
我覺得怕拖一年就同居太快了；
亦覺得你們心智、成熟和期望都差很遠亦有衝突 ...
從她的舉指行為，不論她年紀如何，也是一個不成熟的人。
遇到問題便不作聲，這是小孩子的做法，亦是一種逃避 ...
如果你還想保持關係，你有兩個做法：
1) 遷就她 - 但這你會很痛苦，亦不見得可永久，更不是一個好方法
2) 和她多溝通，試圖達成共識，尋求雙贏局面 - 正路的方法，但有相當的難度
其實我覺得你們要開花結果並不容易 ...
因為你們的心智、思想並不一樣；
而最重要是 ... 她還在讀書。
我估計她應是一位大學生。
大學生活多姿多彩而又容易結識朋友 ...
學長、教授等等 ...
在家中她是千金小姐一名；又未真正面對社會；
不可能明白你的壓力和工作問題 ...
到她真正出來社會做事，一切又不同了 ...
到那時，她才真正大開眼界。
她的思想、觀念又會作甚麼改變呢？
這很難說吧？
最後，請記着 [ 氹 ] 只是一個暫時的方法，
要清楚問題的重點在哪，解決它才是出路。
恕我不看好你們的將來，
亦恕我把真心話說出來。
祝你好運。
我自己覺得同居唔係玩玩下，唔係話拍拖想見大家就住埋一齊，其實同居要有好多包容，接納架！我相信你係當中都盡晒力，返工亦同樣辛苦，放工仲要不停咁為屋企做事，而最難受係做完好似當應份咁！咁你自己諗諗，你們同居之前有無諗過有呢方面的問題？你女友未係社會裡工作，好難理解工作的辛苦，而佢仲讀緊書，佢係原本屋企應該都唔洗佢點做架啦，咁你叫佢點會突然間同你住就變得肯做事呢？佢只會覺得你會照顧晒佢所有一切囉！你叫佢做～～～～慘過叫佢去死啦！口講話ok，到時你就知死！如果一齊住有呢方面既問題唔去處理，將來真係好難一齊架！如果出黎住係諗住玩玩下，不如而家送佢返屋企唔一齊住，咁或者等佢識諗至一齊住，如果佢因為咁而分手，我覺得呢個女仔要唔要都罷啦！你記住，唔好屈服呀！如一屈服，你以後既下場將會更慘！
講真, 佢而家發緊小姐脾氣, 點解要氹返佢? 你想佢再變本加厲?
2 個人既相處, 並唔係單單一齊生活咁簡單, 更要令對方有進步, 進步, 係代表左待人處事 / 學識 / 應對等等進步, 就如你見到另一半做錯, 唔通由佢繼續, 而目的只係想保持雙方關係? 呢種想法係不對既. 唔通對方鐘意偷野, 你都唔講?
其實就算幾煩, 你都要佢真正面對問題, 只係你要想下講出黎既技巧
你想下, 2人相處都係咁既態度, 咁將來點同公司同事 / 老爺等人相處? 你既責任係要佢明白, 而唔係縱容
我好多朋友, 開始都會遇到你呢的問題, 佢地就會出時間表, 如1,3,5 就男既煮飯, 女既洗衫掃, 跟住相反做, 星期日就睇下係未出街, 如果都係屋企食, 就自發做, 開頭大家都唔習慣, 因為好多人本身就係大小姐, 大少爺, 不過做左一陣, 就明白如果每日用10分鐘攪下屋企, 會令大家都開心既, 真係好值得. 當然, 如果果時男 / 女忙緊重要野, 幫下手就一定要, 呢的平常家務野, 最忌一面倒, 如任何一方有怨言, 亦不要用冷嘲熱諷 / 罵人等惡意語氣回覆, 如女方真的做完家務, 就比杯野佢飲, 讚下佢, 令佢覺得開心.
*** 題外話, 家務事一向都好煩, 因此為自己製定一個可行時間表係好重要, 如2日洗一次衫, 3日買一次食物 (有需要就整定的食物, 要食果時, 整熱就 ok 果種), 預備定一的冷食 / 小食, 等真係無時間煮食時都有野食, 平時生果亦要常買 (最好買保存得耐果的如蘋果 / 梨, 易壞既蕉, 體積大既西瓜, 就要睇情況) 咁餓起上黎, 用生果整沙律或就咁食, 都頂到 1, 2餐, 菜方面, 都買的易保存既, 呢的家庭生活藝術必須要有
*** 講多句, 你而家女友係試緊你既接受底線, 遲的可能重過份, 如果真係唔夾, 分開都無辦法, 唔通成世人都咁受氣而佢又無得益~right ~?
參考: 自己
我猜...你女友...很小孩子...應該還很小吧...還stay在日玩夜玩的小朋友時期...你哄回這一次...下一次應該又會是同樣發生吧
我覺得...你們認識不深, 了解太淺, 同居可能會令你們步向分手, 因為你expect的一個能互相support的人而不是像你現在這樣...你不覺得你現在做的...相處的是很單向的嗎?
就你的情況看, 怎麼哄回女友, 你應該很清楚吧, 因為這次應該不是第一次這樣哄的樣子= =...重點是...你哄回來後, 你要怎樣解決問題呢? 我感到你跟她的標準好像不同, 例如在她眼中, 洗了碗就等於有做家務, 而你的標準是整理家裡的事, 是誰看到or誰有空就來分擔一下, 整整齊齊的家才是標準, 我想當你跟女友合好後, 你可以跟她溝通一下, 讓對方了解你們之間的標準, 再找方法去分配工作吧, 或許會幫到你
你又唔系做她的庸工，所以家务应该一起做的，你唔应该一个人做晒。好同意你话个家大家都有份的。其实做家务很简单，一日最多用半个小时(看家庭大不大)，所以应该牺牲一点的时间来做家务。再讲个家tidy住里面的人也健康点啦。
所以应该跟她说清楚，看她怎样想现在和你们的未来。
祝你好动罗。。。
相處容易,同住難牙~~~~
拍拖才一年,便同居了,跟本未了解對方,現在就搞成咁la..
如果你還愛佢的話,
就搵佢,兩個平心靜氣咁講下你地自己ga問題
相見好, 同住難. 呢句說話好老套, 但係亦都好o岩聽.
你地拍拖一年以黎, 冇一齊去過旅行嗎?? 有好多情侶去完旅行就分手, 好多時都同你而家情況差唔多. 有時平時拍拖食飯睇戲搞野, 唔會有乜衝突. 但係當要一齊相處一段長時間, 大家 d 缺點或者醜陋o既一面就會出哂黎.
其實你係一直都知佢o既性格係咁, 只係冇諗過佢咁嚴重/變本加厲??
定係你同佢拍左一年拖, 都冇發現佢 d 性格原來係咁??
如果係後者, 你要認真檢討一下, 你究竟有幾了解佢了. 佢明顯係一個比人縱慣o既人, 而你就係其中一個"幫手"縱佢o既人. 令到佢身邊o既人就佢已經成為佢o既"合理期望". 如果冇能力改變佢o既價值觀, 我相信你都冇可能扭轉而家o既局面.
我認為你應該想辮法讓她明白自已的責任感問題，你不可能永遠這樣下去的。這樣的問題最好在未結婚前處理好，要不然結婚後你就苦一世了。
