澳門人gei地道語言~

✔ 最佳答案

其實冇乜正規澳門地道語言，香港地道語言．．．

首先，正統“廣府話”係以廣州口音為正宗．香港人或者澳門人都唔係講緊標準廣府話，而係講緊帶“鄉音”嘅廣東話．而香港係靠珠江嘅東岸（寶安，東莞．．．），澳門係靠西岸（中山，順德，佛山．．．），兩邊嘅人所講嘅廣東話所帶嘅鄉音就會有少少唔同（上面所講嘅“畢”湯同“忽”湯就係呢類情況）．

不過上面所講嘅“岩岩”即係“剛剛∕剛才”，澳門人應該係講“鄭先”而唔係“o岩先”（係有人講“o岩o岩扇”，但係好少聽到“岩先”）．

仲有一句好多人都知∕都覺嘅，係澳門人叫“嗰邊”，即係“那邊”，係會講成“撈邊”嘅，“嗰次”會講成“撈次”（呢句少D人講）．

另外，澳門因為受葡國文化薰陶咗幾百年，所以有D人講野（通常係一D年紀大D嘅人），係會有一D葡文發音翻譯嘅野，例如，蕃茄有人會叫“大孖de”（源自葡文tomate嘅葡文發音），冇錢會講成“窿丁”（源自葡文nao tem，即係not have∕冇咁解）．

至於上面提到嘅now佬，應該唔係澳門話專有嘅，now佬係源自“now鬆”（即係“老兄”嘅國語發音），原來係指北方人，逐漸（唔知點解，唔知幾時）演變成對大陸人嘅稱呼．

其實地方俚語千變萬化，多D留意下身邊嘅人，可能香港唔同區嘅人講嘅野都唔太一樣架．

而家已經好多外來人（香港人，大陸廣東人，大陸國語人，鬼佬）響澳門定居，加上電視，internet嘅接觸，好多嘢都已經溝埋晒，分唔開啦．

2007-03-30 09:49:18 補充：
仲有一句，同人鬧交時，有可能會講”你早D返"加sa"啦”，呢個"加sa"源自葡文casa，即係屋企咁解，呢句說話，係叫人收聲，早呌，再嚴重D，係等於叫人去死，早D返"天家"咁解．

回答 (2)