八月尾去多倫多機票邊度最平啊?

八月飛多倫多機票既價錢而家未出架.. 比d 6月前出發既價錢比你參考.....
大韓航空: 6月前出發, 1年期, $8,750
美國西北航空: 6月前出發, 6個月期, $10,180
美國聯合航空: 6月前出發, 6個月期, $10,090
國泰:6月前出發, 1年期, $11,650
加航: 6月前出發, 6個月期, $12,210

一般黎講, 因為八月尾係旺季,d小朋友要返多倫多開學,所以你要預大約8000-11000.. 你要留意你買既機票係要有起碼四個月期 (因為通常做promotion既機票只可以逗留14-30日...)....
最平通常係大韓, 西北航空同埋聯合航空.... 但係因為911既關係,好多人都好驚搭聯合,因為要晌美國清關,都幾麻煩.... 清關既意思係你需要晌你轉機既地方囉返自己d行李, 過左海關之後, 再放返上去指定既地方, d行李先會幫你送到去你既目的地.. 可能你會問點解要咁做呢? 因為某d城市既機場, 保安既理由.. 係需要乘客清關既... 最好就唔洗啦...
大韓都ok, 行李可以直接飛到多倫多, 又可以晌首爾機場行下, 得一樣唔好就係回程果陣, 晌首爾要等四個鐘先可以搭返香港.... 如果自己一個都幾悶下.... 不過都幾多人搭大韓去多倫多架, 長期爆滿.....
至於有網友提議你搭Oasis去溫哥華,我自己就覺得唔可靠... 一來而家都有好多野都未confirm(我有朋友晌Oasis到做, 佢話好多野仲係傾緊), 萬一到時有咩事既話,因為high season既關係,買唔到另一張機票就慘喇.... 二來,如果Oasis有delay, 去到溫哥華駁唔到其他飛機去多倫多,又要買過張機票,仲大件事.... 所以,我提議你,就算真係轉機,都係買同一間航空公司,起碼對自己有保障先.....
有野唔清楚可以再電郵比我~~

其實如果要平就真係要轉機... 因為國泰/加航係呢條航線係一年三百六十五日都禁貴... 而上過 www.zuji.com 睇過如果最平都要成萬蚊,所以我會suggest你同旅行社問下價...
但係甘泉會係六月開始香港-Vancouver... 一個星期三班, 九月加到六班... 但係價錢同幾時開始都未confirm... 但係一定會比國泰/加航平... 不過你要自己再買一張Vancouver-多倫多嘅飛... 但係我相信一定會平過買一張直去Vancouver嘅機票...
問題係甘泉E家都未可以confirm呢條航線嘅價錢/時間... 所以我suggest你去旅行社hold一張去多倫多最平嘅機票... 如果甘泉可以係你hold個張飛要confirm前出到firm date同價錢就改囉... 因為一日未出飛,一日都可以cancel同改...