佐敦道與彌敦道交界, 屈臣氏旁的新商場叫咩名 ?!

新商場叫 JD MALL
十年前叫嘉利大廈

商機收料站 : 嘉利大廈變商場要打齋

十年前，嘉利大廈大火令人記憶猶新，但早幾日我約蘇民峰入室弟子張建嵐師傅食飯，行過彌敦道俾我發現成幢嘉利大廈已經拆，變成一個名為JD mall購物商場，不過仲未起好，尚未招租。話晒之前發生過慘劇，我問張師傅度做生意會唔會成日撞鬼？
張師傅話當年嘉利大廈附近正在動土，特別容易有火災，結果真係出事，「如果要呢度開鋪，一定要做人流旺行業，沖淡陰氣，例如做熟食。」俗語有云「火燒旺地」，燒過係咪會旺呢？張師傅即刻話錯，所謂「火燒旺地」只係細火，仲唔可以有傷亡，嘉利場大火咁多死傷，只有怨氣。所以張師傅建議個場要做法事超渡亡靈，開張時仲要舞龍舞獅搞旺佢，聽完張師傅咁講，我就打畀JD mall租務部鄧生，諗住提醒佢，點知鄧生話個場清拆前後都打齋，叫租客放心。鬼神說信則有、不信則無，但打齋叫做等D租戶可以安心都好！