怎樣對付情敵?

依個問題可以由兩方面黎答你。
首先, 如果你追求緊一個人而有情敵既時候 :
較溫和既方法, 如下 :
1. 你可以向你所追求既人大大方方咁講關於情敵既事, 咁既可以增加印象分, 建立大方形象, 又可以由所追求既人口中得知對方既攻勢同其對情敵既感覺, 再作出對應既政策
2. 你又可以同情敵既朋友打成一片, 令到對方冇支持者, 或者亦可以由佢地口中知道情敵所做既事, 並得到佢同你所追求既人關係間秘密情報等
3. 你最好就可以同佢做朋友, 所謂知己知彼, 百戰百勝嘛 ! 亦可以減低佢對你既防備, 甚至會因為你對佢既好肯退讓唔再追, 既可以交到一個新朋友, 又可以減少一個敵人, 何樂而不為呢 ?
較強硬既方法, 如下 :
1. 直接同佢講你地雙方都追緊同一個人, 一黎可以清楚表明你既堅決態度, 又可以令到佢覺得你大方公開同佢爭, 俾佢知道你依方面既優點, 畏之而退讓
2. 得取情報, 俾你所追求既人知道佢既缺點或者做過既壞事等, 令到佢既印象分同好感度大大下降 ( 當然, 我比較唔建議依種有D似陰險小人既做法 -_- )

如果你有另一伴, 而情敵出現 :
1. 你可以對你既伴侶持續地咁好, 令佢明白到你既好, 而放棄會變心轉向情敵既念頭
2. 大方咁問下伴侶情敵既動向, 等伴侶明白你都係緊張佢, 擔心佢會離開
3. 嘗試得到情敵既優缺點, 繼而學習佢既優點, 又從而改善你自己既缺點, 等你既伴侶更加對你對佢既努力受到感動等

其實, 最重要既都係你要對你所追求既人/伴侶有真誠既心, 你對佢既真心佢一定會由你對佢既好對佢既關心睇得到而繼而選擇你並放棄情敵咖 ! 希望幫到你, 加油 !

無論你係男定女.

只要你盡量跟著她或他.

感情自然增加.

但你唔好令佢討厭你.

你唔好害人呀.

你男/女朋友唔鍾意你你都無計架...

你出招都無用...

盞搞...

比你男/女朋友知道左仲衰...

跟住佢就憎你.

你情人愛你o既話又點會有情敵喎...

睇你都單戀啦...

唔夠人爭...

又要出招,,,你真係衰...

仲要公開黎講,睇你情人都唔係鍾意你架啦...

你一相情願...

咁又何苦呢,,,

就算我係諸葛亮,我出計仔...

你情人唔愛你我都無辨法架...

逼佢咩...邊有人咁衰架...

你情人鍾意就由得佢啦,,,

你唔比自由佢佢好慘架...

家下你仲要對付佢依家鍾意果果...

對付人地鍾意果個,你傷死佢個心啦...

我知我離題答錯你,不過如果你係你情人,知道你咁樣

佢會點諗你呀...

你清醒d啦,,,做人唔好成日都咁衰咁自私...

等到你情人知道原來你苦苦等梗佢,佢就明白架啦,

到時佢仲愛你...你話係咪?

我知我好多廢話,可能令你唔開心

有邊個唔憎自己情敵架,我都對我情敵恨之入骨啦

我仲好想佢去死tim呀...

不過我鍾意果個佢愛佢,我逼唔到佢

由得佢地相愛啦...撮合人地有時都好架...

因為你送左一份好o既禮物比佢地...

咁你就做左一個善良人啦!

他唔比佢地一齊佢地真係好慘囉

加上人地兩情相悅,你單戀喎,

一定比唔上人地...

懷有一個善良o既心去對待.

唔係個個都做到架,唔好意思,講多左!哈!

雖然本人唔多贊成
不過你如果真的要對付

如果你是男:
你可以同情敵講清楚
表明你ge立場,等佢膽怯
跟住再比多d關心你ge gf

如果你是女:
你只要嗲個bf多d就ok

注意:
如果你係單戀or暗戀就無資格去對付d情敵

唔洗點對付ge!
只要你關心多d你條女,愛多d佢就自然會覺得你好架嗱!
果陣你情敵就自然out架嗱!!!
不過要個女仔對你有意思就最好不過嗱!!!