我應唔應該比隻貓仔自由活動??定係放佢入籠??? 我係新手

貓貓唔放籠會健康D架,你諗下你比人困住都唔開心啦.

如果佢初o黎步到,你指定一d範圍比佢囉.你關好廚房門,睡房門,比佢自己嚮廳自由活動,假如家中長時間有人就更加要放佢四圍行啦,貓貓佢地好好奇o架,佢地一定四圍行,睇完環境就安心嚮自己呢個地盤霸位o架啦.

如果你屋企有大貓就一定要用籠隔開bb啦,除左比佢地互相認識之外就係萬一其中一隻病o左都無咁易惹到另一隻.

我諗你都係擔心貓貓一個嚮屋企會危險,建議你夜晚放佢出o黎,訓覺都由得佢,第二朝你如果見到間屋無咩大問題,就放心比佢周圍走啦.萬一佢手多多,你就"喂"佢,話得多佢就知邊d攪得邊d唔得架啦.

仲有呀,同佢一齊玩多d,比佢跑下,佢玩倦晒就會勁訓,唔四圍走架啦.哈哈.漸漸佢就變成你家中一份子......

我隻貓都係咁o架咋,由第一日買返來,得3個月大,而家5歲啦,未困過入籠o架.

我都係岩岩買咗隻兩個月大嘅貓BB, 開頭我都擔心佢會驚, 竉物店老細都建議我初初放佢入籠, 有人喺屋企就放佢出嚟玩, 但我總覺得放佢入籠佢會好滲, 無晒自由, 所以返到屋企後, 我無放佢入籠, 比佢自己周圍走, 開始時佢四周圍行, 唔使一陣佢已經通屋走, 仲撩我玩, 好活躍, 仲自己識去便便, 不過要睇吓唔同既貓有唔同特性, 最後都會慢慢習慣~~

如果剛剛買番黎,
我建議你放入籠內2日.
等佢適應下環境.
之後才放出來自由活動.

其實也要看貓的品种和性格，長毛貓比較慵懶，短毛貓比較頑皮，喜歡周圍玩，爬上跳下，所以要從小養成良好的習慣，3、4個月的貓崽，正是教導的最好年齡，教導他那裏可以去那裏不可以去，不是任何地方也可以磨爪-------------個人意見：有人在家的時候可以放他出來玩，沒人在家的時候困籠，困籠雖然有點殘酷，但是也是基於對他的安全保護，常常也聽説家裏沒有裝蚊網，貓墜樓的事件！我養的是長毛貓，一只很乖，另一只就很頑皮。不在傢的時候困籠，他們總是睡得天昏地暗；有人在家的時候，打架打倒天旋地轉，勞逸結合也蠻好！

貓仔好奇心極大，應讓它多點活動空間，認識環境
放一沙盆教它大小便

應該,because the cat want to have some to do in3,4個月大