除息日和截止過户日

「除淨日」係上市公司為咗做一啲同資本有關嘅工作(例如派息、供股...)而訂出嘅一個日子，呢日係「截止過戶日期」開始首日嘅之前兩個交易日(「截止過戶日期」可以係成個星期咁長)，如果你喺「除淨日」前買入間公司嘅股票，咁你仲有剛公布嘅股息收(又或者有供股權)；但係喺「除淨日」當日或之後先買，就唔會有息派

仲有，如果係講派息，咁有人會「除淨日」講成「除息日」；如果係供股呢，咁就會叫「除權日」

截止過戶日期
「除淨日」要訂喺「截止過戶日期」首日嘅之前兩個交易日，主要係因為「截止過戶日」期間，呢間上市公司就會暫停辦理股東名冊嘅過戶登記手續，咁香港股票嘅交易制度係T+2(即係兩個工作日做交收)，咁即係話，「除淨日」買入股票，先至趕得切喺「截止過戶日」完成交易兼喺股東名冊留下芳名，否則就上唔切名，即係你唔係當時嘅股東，所以冇得收該期息，或者無需供股


派息日
「派息日」就係指呢間上市公司會派發已公布股息嘅日期。咁啲息點派呢？上市公司嘅過戶處會喺「截止過戶日期」後，向名列於股東名冊上嘅股東發出「派息通知書」，問吓啲股東想點樣入息(有人想收錢，又或者有人想以股代息)，又會講下如果喺期限內都唔回覆，咁呢間公司會將你啲股息如何處置。

除息日當天開市前股價已經減除左股息了 , 所以你在當天賣依然有股息收架

呢個答案係錯。應要在「除淨日」之前的一個交易日買日股票，才有資格收息或收取紅股。

「咁香港股票嘅交易制度係T+2(即係兩個工作日做交收)，咁即係話，「除淨日」買入股票，先至趕得切喺「截止過戶日」完成交易兼喺股東名冊留下芳名，」