點解結o左婚一定要生bb??

家庭及人際關係 婚姻與離婚
2007-03-22 11:56 pm
係......
1.驚老o左果陣有人照顧？
2. 屋企熱閙d?
3.傳中接代?
4. 因為鍾意小朋友?
5. 人生必經o既體驗，唔生老o左會後悔？？
6. 奶奶/媽媽想抱孫?

我係剛結婚男性，因為好多朋友都有生，我唔生自私d諗係唔想自己辛苦，想生活自由d，經濟唔駛咁緊，
亦都想小朋友細細個就咁辛苦讀書，又補習又考試..........

人一生唔開心o既事多過開心，你認同嗎？我唔想佢o黎到喱個世界受苦！

我想知大家為咩生BB? 可唔可以分享下？

THANKS !
更新1:

李麗珊話養個小朋友要四百萬，乜真係要咁多？ 但係有小朋友果d朋友又話，你睇你阿爸阿媽果代，以前d人生咁多個咪又係咁湊大，天生天養嘛.......... 乜家陣仲可以天生天養咩？依家樣樣都係錢字行先............

回答 (9)

2007-03-23 12:36 am
✔ 最佳答案
你都講得啱，生唔生係好看自己的意思，　唔可以因為屋企人想你地生就為佢地生架！
因為依個係”一世的責任"如果自問冇依種耐性,愛心的話又或者其他原因好像是經濟問題,
個人身體健康問題呀等等都係直接同簡接影響都下一代架!
但又可以向第二個觀點看, 一個家庭如果有種種好條件的話, 有小朋友其實是很快樂的事,
是你們的結晶品, 這結晶品會使做父母的有多一種責任同動力, 而令生命更有意義,
好像種花一樣, 用心對待, 當花兒日漸成長, 會有很大的滿足感! 夫婦之間起初結婚不久當然時甜蜜不過, 但日子久了,愛情變做感情的時候會變得令大家的生活大家的家淡而冇味...
你有你返工放工, 我有我返工放工, 回到家食過一餐飯後又已經累了,要因為明日的工作而忙, 大家都快快上床瞓覺.日日如是....有小朋友就大家都有一個共同而長久的啫好和興趣一樣,會為這個家去努力! 老來也有孝子賢孫照顧嘛. 你們有能力有條件的話真的可以想想!^^
👍 0 👎 0
2016-01-17 12:58 pm
自從失戀後,看到路上成雙成對,就格外放閃,嘴巴瀟灑說只是少一個人來愛,但不可否認還是希望可以多多認識新的朋友,
往認真爬文3個月以上,終於找到隱藏在網路中,傳說中的李姐,
在今年3月初就預約來找,果然是口碑相傳,不做廣告的,我排第3次就遇到雙方非常有感覺的,目前是暫停排約,
李姐那邊可以暫停排約1次,會員時間可以展延拉長時間,也在這段時間可以觀察對方.
推薦給有需要的朋友參考
👍 0 👎 0
2007-03-23 10:37 am
生唔生係由你決定．你當然要同你老婆傾啦！
生仔係要用錢，不過一定唔使４００萬．（如果一家人月入１５０００，要２２年至有４００萬收入，咁個大人唔使食咩，果女人癲架）
屋企有細路仔係好開心嘅．你睇住佢大，跟住明白”養子方知父母恩”，跟住多孝順佢地，老人家見到個孫又開心．

我都有兩名．Feel so ~~~~ good！正！
👍 0 👎 0
2007-03-23 12:28 am
其實結左婚都唔係"一定"要生bb的，只不過大多數的人都會生，但大多都只生一個。
亦都有一部份的人會有像你一樣的想法而沒有生bb，所以香港先會出現人口老化的問題。

另外，你指出"小朋友細細個就咁辛苦讀書，又補習又考試" 說的沒錯，但小朋友讀書的壓力大多來自父母，如果你能回想自己讀書時的心情，並給予鼓勵與多加體諒，我相信作為你的小孩讀書亦不會太辛苦。

而且，我覺得樓主的思想偏向負面，其實開心與否係在於自己的想法，既然樓主有一個好老婆的話，我相信樓主你腦海中其實有很多開心快樂的回憶，只是你沒有去回想和回味當時的快樂，相反往往被一些唔開心的事遮蓋一切，這樣會令人生變得暗淡，並不值得！
👍 0 👎 0
2007-03-23 12:21 am
我未婚, 但我想講生唔生bb是個人自由, 對我來講2, 3, 6並不重要!

就算唔生, 都可考慮領養小朋友.

選擇唔生夫婦, 無問題, 但佢哋將來老咗果陣絕大多數無人照顧, 到時夫婦是旦一個去世, 只餘下一個伴侶, 到時必定會好孤獨生活下去(因無兒無女)! (老人院或親戚可照顧你, 但不及自己家人好!)
👍 0 👎 0
2007-03-23 12:13 am
其實生唔生,好睇你地兩個,如果你地唔享受湊bb呢個過程,跟本唔使諗.有時我覺得生左出黎,可以粗生粗養,可以唔使用咁多錢都得.你現在既想法會唔會過份負面?我是女性,就快結婚,想生兩個bb,而家都好擔心生bb嗰種痛苦,不過我相信我會刻服到.
👍 0 👎 0
2007-03-23 12:08 am
非常認同閣下的說法
其實結婚點解一定要生BB先
生左又要養,養重貴過生呀
同埋教唔好咁就一世架啦
況且閣下都講啦,人生不如意事十常八九
明知係苦海黎,又何必要自己既後代再係苦海度浮沉喎
以前阿媽歌代生仔只不過為左鞏固自己地位,怕人地話無仔生
況且佢地都唔會出黎做野,唔生仔咪畀人話懶,佢生仔跟本就係為自己多過為D兒女
而且以前跟本就無乜娛樂,放假D小朋友多數出街玩或係屋企,嘩,依家就唔係啦,放假要帶佢
地去旅行,唔係畀同學仔笑架,要多課外活動同補習,你話幾洗錢呢,不過我覺得有錢人又作別論喎,都係睇下你自己啦
👍 0 👎 0
2007-03-23 12:01 am
驚老o左果陣有人照顧？
2. 屋企熱閙d?
3.傳中接代?
4. 因為鍾意小朋友?
5. 人生必經o既體驗，唔生老o左會後悔？？
6. 奶奶/媽媽想抱孫?
你都講晒我想的lu ~~

不過
當初最想有bb
係想同老公有愛情結晶 ~~~
👍 0 👎 0
2007-03-23 12:00 am
其實我覺得就算結左婚唔生仔絕對唔係1個咩問題 , 自己鐘意生咪生唔鐘意生咪唔好生囉 , 唔通自己個伴侶唔生仔就會離婚咩 ? 唔會架麻 , 如果係既都唔應該同佢結婚啦
👍 0 👎 0

收錄日期: 2021-04-26 20:35:29
原文連結 [永久失效]:
https://hk.answers.yahoo.com/question/index?qid=20070322000051KK01840

檢視 Wayback Machine 備份

　
　
　
　
　
　
　
　
　
　
　
　
　
　
　
　
　
　
　
　
Ans.fyi 參考答案 - 知識平台 © 2024 條款免責 私穩政策