尖東日航酒店自助餐

自助餐食物質素一般，選擇太少，但價錢卻昂貴，物非所值

睇雜誌見日航酒店 promotion緊主題日式 buffet，見年幾前試過都 ok，所以再去一次，點知所有食物款式同年幾前一模一樣，好聽Ｄ係冇退步，事實上係冇進步，淨係將 pancake counter轉左做印度佬 拉薑茶 同 印度烤餅，冷盤蟹腳得少少鮮味，不過都比好多間自助餐好，（例如 美麗華酒店 同 美麗華商煬地庫Todai 就完全冇味，欏左埋檯都唔想食），可惜得一隻兜仔載蟹腳，數量太少，雖然補貨速道都算快，但係必需等蟹腳完全冇晒先補充，換句話講即係唔清晒隻碟咪駛旨意會補貨，呢方面可能同日航酒店俾大陸財團收購左，所以承接左中國人傳統節儉既美德，亦令客人食得非常之唔過癮，生蠔又同蟹腳擺埋一齊，各佔一半，蠔肉 size 同蠔豉差不多，食左六隻，五隻質素一般，一隻變味，唉，真係冇野好講！熱葷種類又少，最搞笑係蒸魚竟然係一條8吋 x 8吋既倉魚仔，我真係未試過食自助餐條魚會細得咁可憐，所以冇勇氣去試下佢有幾咁鮮美，仲有個咖哩海鮮煲，水汪汪既咖哩配上唔新鮮既蝦仔等等騎呢野，食飽冇事做，欏煲返黎當笑話笑下都好既，唯一可以食下燒牛肉同自選海鮮，蛋糕同甜品已經算係呢餐較好部份，生果方面不論西瓜同蜜瓜都完全冇甜味，假既一樣。招呼方面唔錯，一坐低每位送雜果新賓治一杯，餐後亦有送咖啡奶茶，鑑於冇乜人上當，所以訂位容易，成晚入座率得 8 成，walk in 都大把位，呢個唔知算唔算優點呢？自助餐收費，星期一至四每位 $258，星期五六日同假期 $288，泊車最近對面華懋，假日$18蚊個鐘；行多兩步去 港晶中心慳兩蚊，假日 $16蚊個鐘，大部份信用咭都有九折優惠，citibank, standardchater,manhattan, hong kong bank, hengseng bank, china bank, compass visa，真係求其抽張咭出黎找數都中呀！

去ｙａｈｏｏ打尖東日航酒店就ｏｋ