我係咪好過份呀???

其實呢個只係一個你同現任男友溝通上的小問題，只要你同現任男友平心靜氣地傾下，係呢件事上面達到共識，咁咪無問題囉。

你有兩個做法︰
一) 如果你係鐘意你現任男友，你都係聽佢話，唔好再同前度有任何接觸，講真，係我心目中，我都好讚成再見亦是朋友呢個講法，但事實往往不能如此，你現任男友咁介意你同前度有聯絡，為佐呢一段現有戀愛關係，你必須要放棄和前度的朋友關係，為佐一個失去的男朋友而損失佐現在所擁有的愛情，我個人認為唔多值得。除非，你個心對前度仲有啲野啦，如果唔係，唔同佢聯絡咪唔同佢聯絡，有乜問題。
二) 另外一種方法，如果你真係唔可以同前度絕交的話，你同你男朋友講清楚，話比佢聽你唔會因為佢唔鐘意你同前度聯絡而放棄同佢做朋友，不過呢個方法的可行性不大，因為你男朋友好似極度介懷呢個前度的存在，但係如果佢真係愛你，我相信佢會接受呢個做法。不過，你自己都要醒水啲，明知男朋友唔鐘意，咁你一定要尊重下佢，例如，同前度出街一定會先通知現任男友，等佢有啲安全感，唔好似似都比佢發現，搞到好似你同前度係度偷情咁，如果你地兩個係無野，絕對可以光明正大囉。不過，如果你咁做，你現任男友個心可能會頂住頂住，你要考慮清楚呀。

最後，你想點做，你就要老老實實問你自己個心究竟緊張邊一個多一點，必要時你一定要學識放棄！

你真係有點過份，因為妳處理男女朋友之間的關係的確有問題! (唔妥當)

歸納如下:

1) 同前度男友做普通朋友基本上是無大問題

2) 妳唔應該有乜事都搵前bf，妳有心事可以搵　(a)現在 bf、 (b)屋企人 (c)其他朋友　傾
[ 所以要擴闊自己圈子，識多點朋友，不是叫妳隨便識人，要帶眼識人 ]，為甚麼總是搵前男友? 無錯，妳同佢拍左年幾拖，他比較了解妳的家事(熟悉妳)，妳搵佢係人之常情，但唔係一個理由，如果男朋友知道妳有事不但不和他傾，而且仲去搵前男友傾，多數會覺得妳和前男友的關係比和他的關係更親密（和同性朋友／或其他朋友傾會好一點，但盡可能和現在 bf 傾），所以要和現在 bf 多點溝通、用時間來培養感情，記住培養感情需要時間，不是一朝一夕，但妳不用點心就永無結果。

3) 妳和前男友絕對不應獨處一室、番屋企等等，試下調轉你男朋友同前女友番屋企，妳會點唸? 妳這樣做，就算真係無野，但是:
(A) 很易令現在 bf 亂想、懷疑
(B) 如果妳唔開心時，再跟前男友獨處.........(不要太高估自己，人總有脆弱一面)，不排除令三人之間的關係更複雓、纏繞不清。

4) 現在既然妳應承左現在 bf (妳已違反承諾一次)，如果妳決定選擇和現 bf ，妳要同前 bf 講清楚，決心不要再找他或被他找到妳，另外，妳要試下心平氣同現在 bf 道歉。

我覺得妳個人性格較軟弱，就算妳不和現在 bf 一起，我建議妳最好和前 bf 保持普通朋友距離(要時刻記住) ! 否則只會永遠拖拖拉拉......。
(除非妳想和前 bf 發展 或 不排除將來想和前 bf 一起 則作別論)

對唔住都要講下..我覺得你真係好過份
你同有新男朋友, 係咪責任上都應該將舊男友ge戀情告終呢? 係咪應該俾佢一個尊重呢?
你揀嚟揀去, 即使你冇心揀,但係你ge 行為以經好有問題, 點解唔可以一心一意咁對佢?
叫男仔上你屋企仲要係單對單...仲要係你主動聯絡, 仲要係"陪" 你..咁你話自己有冇問題,?

好過份? 我覺得你冇珍惜到..如果你係有珍惜到, 你係會怕同佢分手...

你應承咗人.話以後都唔同見面, 唔嚟咩原因..你應承咗就係應承咗, 點可以咁ga, 一係你唔好應承人.

即使你幾唔開心, 應承咗唔聽佢電話就一定唔聽得,話知佢死人lum 樓, 或者你死, 應承咗人點死都要守信用

你覺得自己係咪話大話呀?

老實講我都好認同上面幾位ge 講法..你真係唔識合做任何人ge女朋友..

你有冇諗過你男朋友點諗? 你覺得佢知道你時時同另一個男仔有聯絡會好開心咩?

你有負任俾你男友一份安全感...

你知唔知拍拖ge 時侯, 男方or 女方都有d 嘢要尊守ga? 呢d 嘢學校冇教, 但每個要戀愛ge人都一定要知..簡直係 定律...

第一樣係唔可以同以前ge舊情人有任何聯絡, 唔可以將任何舊感情帶入新戀情,唔離你只係講前男友ge名, or 拎佢張相出嚟.. 唔理係咩原因

第二樣係 相方都要俾對方有安全感

第三係 係確定對方地位ge時侯同時要肯定自己會盡全力誓死堅持到底..(唔係將對方作為結緍ge 試驗, 試下可唔可以一齊)
..
仲有好多, 學校冇教, 但你要知..

唔知只有兩個結果,

對方受傷 (對方遵守, 但你冇)
雙方受傷 (大家不遵守, 大家吵架一場)

希望你唔好用, "我係咁ga la", 我要為自己幸福, 或者惡意找對方缺點嚟話自己ge行為合理化, 嚟推御自己需要負責,但没責ge 錯..

我聽過好多la...

對唔住.我講得火咗d, 但我相信你男朋友如果愛你, 佢都會同我有同一樣ge諗法

2007-03-22 14:34:21 補充：
樓上話 : 真正愛你ge 男朋友係唔介意你......我覺得如果真正着緊你ge , 一定會介意, 但係唔會嘈到要分手..因為佢愛你係唔會分手

當然係過份啦!我係佢都嬲啦,你有咩都同前bf講,搵佢幫,即係當你男友透明,你男友嬲都係因為佢鍾意你先會咁,我勸你都係唔好再搵你前bf喇!咁會令你男友好唔開心,你應該同佢多d溝通,有咩事都問下佢意見,你有唔開心都可以搵bf同其他朋友傾,前bf就唔好搵喇....
你試下send短訊同佢解釋啦....唔好再同前bf拖拖拉拉喇......

點解呢個問題...我好似聽過男方問既=.=!!?

其實你真係有d過份，
我係女仔都會以為你係鐘意前男友多d，
其實同你同到難既先係最愛，
我唔明你明明愛你男友，
但係有事永遠都唔係搵佢。
而且...應承左人既野又唔做=.=!!
我咁樣講，你覺唔覺得你自己過份呢@.@??

其實做事問心無愧，
但係你做唔到...
因為你呃你男朋友=w=!!

不如你諗清楚你愛邊個多d先啦~~
再理智d架有時感愛都=.=!!

干脆恢復妳現任男友的舊銜頭吧 ~~~ 即“朋友”
( 根據妳片面之詞而作的建議， 最終決定權是妳的真心 )
他根本配合不來妳的性格， 整天吵吵鬧鬧， 有啥意思 ？
決裂是早晚之事， 長痛不如短痛。
更重要的是， 妳與前男友仍過從甚密， 他總在妳徬徨無助時， 首先浮現在妳的腦海中， 那是鐵一般的事實， 亦代表了他在妳心中無可否認的地位。
況且分手對妳也沒什麼影響， 只是雙方更改稱呼及修正權利罷了。
至於過份與否， 視乎每個人的作風， 有人分手後可以瀟灑地再見亦是朋友、 有人卻含恨至死不相往還、 也有人藉再見的關係接近已緣盡但不捨的人 …

妳太過份啦!~~

任何問題都是雙方面的。

你的問題是你只考慮自己的感受，率性而為，希望你明白一句老話：若果想別人怎樣對待你，你首先便要怎樣對待別人。你想男友尊重妳，愛護你，了解你，首先你應該尊重你的男友，愛護他，了解他，避免做一些傷害他的事情，體諒他的感受。

你的男友也是欠揍的，居然發女孩子脾氣，失去作為男友，甚至是男孩子應有的風度，他應該嘗試了解為甚麼當你有問題的時候不去找他，反而去找以前的男友，嘗試檢討自己的不足，而不是埋怨你。

建議你們都要多點了解自己、了解對方，多點檢討和包容，少點埋怨和猜疑，多點對話和表達自己的感受，少點批評。

希望對你有幫助。

好明顯地, 你唔識做人女友, 而你男友亦係小氣鬼

當男友成為男女朋友, 好自然會要求對方將自己放係高位置, 而你既做法, 就係將舊男友放係高位, 因為你有事會先想起舊男友, 你既理由係 "隨手 / 貪方便 / 無所謂 / 以為男友唔介意", 但你男友既想法係 "呢個女仔, 根本唔當我係男友"

男女朋友, 總係喜歡將自己喜愛 / 憎惡 / 傷心 / 不安 / 經歷雙方分享, 一方面是信任, 另一方面是感情上既專重同交流, 因此, 會事無大小, 悲傷喜樂, 都拎出黎講, 但現今既愛太易有, 亦太自我中心, 缺少大家想法上既交流, 引致一的小事惡化

就你呢個例子黎講, 你唔開心, 想發洩出黎, 但係你明知男友唔鐘意你單獨對舊男友, 你都不斷咁做, 呢的就係唔尊重, 男友既嬲, 你應該明白, 而男友唔信任你而大發脾氣, 無體會到你急切性想找人傾訴既想法, 亦係小氣

而後來, 你清楚明白到男友既想法仍不改, 講真, 你完全唔當你男友係咩一回事, 你既自我中心, 睇黎係你地將來相處既一大問題.

感覺上, 你地 2 個人都未成熟, 當處理事件時, 欠缺左思慮, 亦欠缺左自對方既信心及自我努力, 自我中心地以為世事會跟自己想法出現而不懂協調改變, 大家既衝突自然多

建議你同男友再一次傾下心底話, 講出自己想法, 如果再傾唔掂既, 我建議你地唔好復合住, 再做朋友先, 咁樣可能你地重開心的

其實我覺得如果兩個人真正喜歡對方，他係唔會介意你同前男友做朋友．所以我覺得你一點都唔過份．