關於親戚的關係

媽媽的媽媽，你會叫佢婆婆。

爸爸的爸爸，你叫佢阿爺/爺爺﹔爸爸的媽媽，你叫佢阿"女麻" 或者 "女麻""女麻"。
爸爸的哥哥，你叫佢伯伯或者大伯/二伯/三伯 (視乎你阿爸有幾多個哥哥)﹔
爸爸的弟弟，你叫佢叔叔或者二叔/三叔 (視乎你阿爸d細佬排行第幾)。
爸爸的姐姐，你叫佢姑媽 (如果多過一個就叫大姑媽/二姑媽......)﹔
爸爸的妹妹，你叫佢姑姐 (如果多過一個就跟佢地排行第幾叫)。

媽媽的爸爸，你叫佢阿公/公公﹔媽媽的媽媽，你叫佢婆婆。
媽媽的兄弟，你叫佢舅父 (可以跟據兄弟間排行第幾叫大舅父/二舅父......)。
媽媽的姐姐，你叫佢姨媽(如果多過一個就叫大姨媽/二姨媽......)﹔
媽媽的妹妹，你叫佢阿姨/姨姨/姨 (如果多過一個就跟佢地排行第幾叫，好似七姨, 八姨......)。

爸爸的兄弟的子女，如果大過你，你叫佢地堂阿哥/堂家姐﹔細過你就叫堂弟/堂妹 (不過我地屋企通常會省略個"堂"字，或者直接叫名)。
爸爸的姐妹的子女，如果大過你，你叫佢地表哥/表姐﹔如果細過你，你叫佢地表弟/表妹 (同上，我地屋企會直接叫名)。
媽媽的兄弟的子女，如果大過你，你叫佢地表哥/表姐﹔如果細過你，你叫佢地表弟/表妹 (同上，我地屋企會直接叫名)。
媽媽的姐妹的子女，如果大過你，你叫佢地表哥/表姐﹔如果細過你，你叫佢地表弟/表妹。

再下一代果d......呃......唔好意思，我唔係好識幫唔到你......

媽媽的媽媽是外婆，媽媽的爸爸是外公，
爸爸的媽媽是祖母，爸爸的爸爸是祖父，
爸爸的姐姐是姑媽，爸爸的妹妹是姑姐，
爸爸的兄弟都是叔父。
媽媽的姐姐和妹妹都是姨母;媽媽的兄弟都是舅父。