請問我而家點算好...

25歲還未初戀唔係罪過,千其唔好心急:
佢大妳十年係就係大咗多少,但係都唔係太大問題;
溝通唔係難題,難在佢想唔想啫?!
最大問題係佢好似好多嘢收收埋埋,俾人鬼鬼鼠鼠嘅感覺
其實妳同佢無論工作,背景,時間都完全唔配合,妳有信心維繫到嗎?
連人哋係唔係單身都未知就話想同佢一齊??
會唔會心急咗呢?
一來妳無拍拖嘅經驗<佢可能係情場老手>,二來妳係女仔<蝕底嘅始終係妳>
佢可能知道妳底牌,依家對妳(忽冷忽熱)引妳
我覺得唔好咁心急,慢慢了解清楚佢嘅為人先
千其唔好輕易信人,唔好中咗個頭落去先後悔
25歲仲有大把時間,有無聽過陳小春嘅<只要地球還有女人>呀??
如果真係有緣嘅話,妳係走唔甩嘅!!
咁使咩心急呢?!
如果咁易俾到佢嘅話,佢真心定唔真心都好,都唔會好珍惜妳!!
唔係叫妳<吊高嚟賣>,妳可以順其自然,如果佢係有心嘅;
身為一個男人會行動嫁啦,用不着妳急!!
佢唔想嘅,妳咪攞苦嚟辛囉!
好人嘅咪拒絕妳囉<咁都好哋哋>;衰D嘅咪接受妳<但係可有可無囉>
無錯嫁,了解清楚佢份人係點先啦
執生喇!帶眼識人呀!!

其實我覺得,幾多歲初戀都唔係問題,最重要係話一個真係適合自己既....
如果為左拍拖求其搵個既話,你都唔會開心.....
好似你所講咁,呢個男人同你有咁多野都唔配合既話,點溝通?係可以大家互相遷就,但係如果無一樣野接近既話,就算一齊都好辛苦...
不如你等有機會既時候,再了解多d佢先決定下一步點做啦..... 唔好勉強呀...

咪住
係你考慮同佢有多過朋友的關係之前
你應要知道佢的事
唔止佢係咪單身咁簡單
大可以做朋友先
慢慢了解都唔遲

拍拖次數唔須要多
多有多好 少有少好
遲同早一d 關係都沒有
最重要係搵人同識保護自己

千祈唔好為拍而拍
咁會好吃虧

慢慢黎la
唔急ga ！

你可以一齊時試下去!
首先知道佢係唔係單身?
如果唔係! Please Stop!
如果係! Go Go Go!
女仔都可以主動, 但要先了解佢! 適唔適合你?

祝你有美好將來 !