✔ 最佳答案
要視乎你同當時人的關係, 彼此的角色而定....
以及你對當時人有咩期望, 對你自己又有咩期望等等....
當然, 如果想佢再踏足社會, 最好唔好太過遷就佢, 要同醫生好好合作
唔係叫你要處處唱反調, 事實上, 受病況、藥物副作用的影響, 佢都好辛苦
適當時係需要體諒, 以及支持, 但有時都要俾佢知道現實情況, 相信佢都有能力處理
病患者的病情會有起伏, 佢自己都控制唔到, 當低潮時, 即使一句真心的讚美說話,
在佢心中, 都可能完全唔同, 在呢個時候, 你想叫佢去活動就難啦, 不如在佢身邊支持佢好過啦, 如果低潮過後, 基本上玩咩都好, 視乎佢興趣就得啦! 平時多D同佢談天, 抑鬱症患者最令人擔心就係"自殺", 試諗下, 突然間全世界都唔鐘意你, 甚至罵你的時候, 你的情緒會點? 當情緒跌到落谷底的時候, 你又會點? 但通常真係到谷底係唔會自殺, 因為佢連自殺的氣力都無, 但情緒稍為上升, 有力氣, 咁先係最擔心的時候, 總之....
唔同個性, 唔同生活背景, 相處之道都各有不同, 好難一概而論, 只要你用個心真正去感受下, 我相信即使無言, 也可感受!!